رواية حلوة و سعودية <<<<< ريما و نواف أكبر قصة غرام كاااملة

دخل أبو ريما البيت: بدون ما يسلم:وينها ريما وينها..بنتي تنهان وأنا حي..يشك فيها هذا التافه..مو بنتي ألي تكلم عيال ..أنا بنتي متربية احسن تربية..آنا خلاص بفك خطبتها منه..مايستاهل يطول ظفر من ريما ..
العمة نورة:يابو ريما هدي بالك
ابو ريما:أي بال هذا الي بيهدى ولد مثل نواف داس على كرامة بنتي..من ذا نواف اللي تنهان بنتي قدام خلق الله علشانة..صارت فضيحتها على كل اللسان ..لابارك الله فيه
ام ريما:يابو ريما صلي على النبي..بالتفاهم تنحل الأمور
ابو ريما:اللهم صلي وسلم على سيدنا محمد..التفاهم مو مع نواف مع ابوهــ

ام نواف كانت معصبة من ولدها..والموقف الي حطها فيه..واتصلت على ابو نواف وقالت له الموضوع ..ابو نواف عصب وتضايق وراح لبيت ابو ريما..

جــــــاء ابو نواف لبيت ابو ريما ودخل عليهم بالصالة
ابو نواف:السلام عليكم
الجميع وعليكم السلام
ابو ريما:وين ولدك هذا وينه؟
ابو نواف:يابو ريما هدي نفسك..والله حتى انا طايح وجهي وانا جايك من الموقف السخيف الي حطنا فيه نواف انا وامه ..والله كلنا ندورة علشان نفهم منه وش الي خلاه يسوي كذا؟
ابو ريما:وين راح هذا؟ ابي اتصل على فيصل يمكن يكون معاه

ابو ريما:هلا فيصل شلونك؟ نواف عندك؟
فيصل:هلا خالي..والله ماشفتة اليوم توني طالع من الشركة..خير تبيني اتصل علية
ابو ريما:ايه اتصل علية وخله يجيني الحين خلاص
فيصل:ان شاء الله مع السلامة

فيصل حس ان الموضوع فيه ان ..نبرة صوت خاله مو طبيعية كان معصب..اتصل على هنوف وقالت له السالفة عصب فيصل وحس ان نواف بتصرفه هذا خسر ريما وخسر عمة فهد وخسر كثير..اتصل بنواف وكان جهازة مسكر ..راح فيصل لبيت ابو ريما...


ابو ريما وابو نواف كانوا جالسين بالمجلس..وجاهم فيصل
فيصل:السلام عليكم
الجميع:وعليكم السلام
ابو نواف:هاه بشر عساه رد ؟
فيصل:لا والله ياخالي جهازه مسكر..
ابو ريما:وين راح هذا؟ يطق بنات الناس ويختفي..بس انا اراويه اذا شفتة..
فيصل:خالي فهد ..هدي نفسك ..صحتك..
ابو ريما:أي صحة يافيصل بنتي تنطق قدام الناس وانا ساكت؟
ابو نواف:بنتك هي بنتي وحتى انا والله لو اقابلة لي تصرف ثاني معاهـ.بس هدي بالك..

خالها تركي جاء عند الرجال ودخل عليهم..وسلم عليهم..وفهمهم السالفة عدل وابو ريما كان معصب لدرجة جنونية ..وتركي وفيصل يهدون فيه..وابو نواف متضايق ومتفشل بالحيل..

الحريم والبنات مجتمعات بالمجلس الكل كان مكهرب وساكت
ام نواف:حسبي الله عليك يانواف
العمة نورة:اعوذ بالله..لاتحسبين على الولد..اللحين ماندري وينة؟
ام ريما:طيب يمكن مع فيصل؟
هنوف:لاياخالتي فيصل هنا عند الرجال..مايدري وينة
ندى:عن اذنكم بحاول بريما يمكن تفتح الباب..
ام نواف:انا بروح معاك ويارب تفتح لي الباب

راحت ام نواف وصعدت فوق لغرفة ريما وطقت الباب..
ام نواف:ريما افتحي الباب..تكفين ريحيني..
ريما جلست تبكي وبينها وبين نفسها(حتى انتي ياخالتي عرفتي بالموضوع..عرفتي وش سوى فيني ولدك؟عرفتي كيف اهانني؟)
ريما ساكتة
ندى:ريما افتحي والي يرحم والديك..ريما خلاص تراني تعبت..ارحمينا
ريما: تكفون خلوني براحتي مابي اقابل احد..ريحوني..خلاص تكفون وهي تبكي
ندى:خلاص يام نواف خلينا ننزل ريما ماراح تفتح الباب بنت اختي وانا اعرفها
ام نواف:الله لايوفقك يانواف كانك فشلتنا..
نزلوا ام نواف وندى وراحــــــوا للحريم..

ونواف لحد اللحين محد يدري عنه..مختفي..وجهازهــ مغلق من المغرب الى الساعة 1 باليل.. حتى فيصل وهو اعز واحد عندهـ مايعرف عنه شيء..الكل كان خايف ومتوتر..على نواف وينه فيه؟وابو ريما وش بيسوي له..؟وريمـــــا وش راح يكون موقفها؟؟

ريـــــما كانت في غرفتها تندب حظها الي رماها مع نواف..وكانت الغرفة باردة وظلام يعني مافية نور غير نور الابجورات خفيف وهادئ ..ريما قامت للمسجل وشغلت اغنية والله مايسوى لحسين الجسمي (والله مايسوى اعيش الدنيا من دونك..لا ولا تسوى حياتي بالهوجود دامك انت الي رحلت كيف باصبر على البعاد وكيف بانثر هالورود
ماحلفت انك تقاسمني المحبه..وتبقى لي ولدروبي دليــــــل..
بس حسافه الموت اقرب وارحم..حسبي الله وحده هو نعم الوكيل..)

ريما كانت تفكر بعمق وتذكرت ذا المقطع
انا مخانـــــــته تبلاني..وراني العذاب الــــــــــــــــوان
انا ماجيته هــــــــــو جـــــــاني
ورانــــــــــــي العـــــــــــــذاب الــــــــــــــــــــــــوان)

راحت وقفت عند النافذة وهي تسند راسها جنب الجدار وتشوف الرجال كانوا مو طبيعين فيصل يدخل تركي يطلع حست ان فيهم شيء..!!ولا شافت نواف ابداً خافت على نواف (ياربي انا خايفة على نواف..بس هو واحد مايستاهل خوفي وحبي له)وفجــــأءة طق الباب الي قطع سراحانها..

ابو ريما:ريوم حبيبتي افتحي لي الباب..
ريما كانت محتاجةلابوها محتاجه تفضفض له محتاجه لحنـــــيتة وعطفة

ريما راحت وفتحت الباب ويوم شافت ابوها ضمها لصدره وجلست تبكي..تذكرت ايام الطفولة يوم كانت في حضنه وهي تبكي تشكي له من الهنوف الي اخذت لعبتها او من المعلمة الي هاوشتها علشان الواجب المدرسي ..ابو ريما حس بمشاعر ريما وانهم ظلموها وتسرعوا بخطبتها لنواف...

ريما:يبه شفت وش سوى فيني ..انا ريما يطقني قدام الله وخلقة..يبه يتهمني باشياء وانا اشرف منها..يبه يسب تربيتي تربية فهـد الـ0000 ..حرام عليكم يبه بعدني صغيرة على تحمل كل ذي البلاوي ..ودنقت راسها وبكت

ابو ريما ارتبك لما سمع كلام ريما ومايدري وش يقول معها حق بكل الي قالته..
ابو ريما:ريومه حبيبتي...انتي بنت وعاقلة وعارفة الصح من الخطاء واللحين اذا تبين تفكين خطبتك منه براحتك مافيه احد راح يضغط عليك حتى عمك وزوجته ماراح يزعلون..واذا على نواف شغله عندي بس خلينا نلاقيه وانا راح اتفاهم معاهـ ..واخليه يندم انه مد يدة على ريما الغالية..

ريما:يبه ليش هو مو تحت عندكم؟
ابو ريما:لا والله يابنيتي مابعد شفناهـ اختفاء فجاءة حتى فيصل مايدري عنه..

ريما سكتت وماعلقت..
ابو ريما:يالله انزلي لهم تحت..ترى امك ميتة من الخوف عليك..وخالتك ندى وبنات عمك كل شوي طالعين لك ويترجونك تنزلين...يالله يبه انزلي
ريما:لابس يبه وسكتت وجلست تأشر على خدها الي كان وارم ولونه بنفسجي من قوة الضربه..
ابو ريما:اووف وش ذا..الله لايوفقك يانواف كانك عورت بنيتي..
ريما ساكتة..
ابو ريما:يالله انزلي اذا انا غالي ولي خاطر عندك..تنزلين هاه وش قلتي؟
ريما:خلاص يبه شوي وانزل ان شاء الله..
ابو ريما:عشتي هذي البنت الي ترفع الراس,,هذي ريومه القوية ..الجبل الي مايهزه ريح..
ريما:اتبسمت له
ابو ريما:ياسلام عليك مشتاق لذي الابتسامة عساني مانحرم منها
راحت ريما وباست راس ابوها وطلع ابو ريما ونزل للرجال..

ريما مشغول بالها بنواف وين راح ؟وليش اختفئ؟ومعقولة فيصل مايعرف عنه اي شيء؟

راحت لبست جلابيتهــا وكان لونها عنابي وتطريز خفيف بالذهبي وفكت شعرها وعلشان تغطي خدهــا ماتحب الناس يناظرون لها نظرة الشفقة والرحمة..

نزلت ريمـــــــا من عند الدرج وقامت لها ندى وراحت وحضنتها بقوة وهنوف ونوف يركضون وراها..مو مصدقين وامها الي يوم شافتها راحت وباستها ..جلست ريما مع البنات وكأن شيء ماصار

ام نواف:ريما حبيبتي شخبارك؟
ريما:بخير..لفت ريما للبنات وطلع خدها وكانت الضربه واضحه
ام نواف:الله يصلحك يانواف ان شاء الله كانك فشلتني والله ياريما مدري وش اقول وحتى لو اقول ماعتقد انك راح تسامحين نواف ..وانا مالومك والله يلوم الي يلومك بأي قرار تتخذينه انا معاك..
ريما ماقالت ولا كلمة..

العمة نورة:طيب وينه هذا لحد اللحين ماحد يدري عنه..
ام نواف اتصلت على محمد يمكن نواف عندهـ او اتصل عليه..بس محمد الي مايدري عن نواف وطلع هو وعبد الرحمن يدورونه..فيصل راح هو وتركي يدورونه ابو نواف الي بس يقوم ويجلس مرتبك وخايف على ولدهـ

جـــــــــت الساعه 12 ونص بالليل..ومافيه اي خبر عن نواف ..ام نواف جلست تبكي عورت قلب ريما ..وام ريما تهدي فيها..
العمة نورة:اصبروا يمكن فيصل اللحين بيرجع ومعاه خبر عن نواف
الهنوف ونوف وندى ساكتين وماقالوا ولاكلمة
ريما كانت خايفة على نواف بس ماتبي تبين لهم..

جاء فيصل وتركي
ابو نواف:هاه بشروا؟
فيصل:والله ياخالي ماتركت احد من الشباب الا وسألته عنه..وكلهم ماشافوهـ اليوم..
تركي:وانا درت على اقسام الشرطة ولا هو فيه..
ابو ريما:لاحول ولاقوة الابالله
ابو نواف: يالله وينه؟؟

فيصل:عن اذنكم انا بكرى وراي دوام بالشركة تكفون اذا صار فيه اي خبر عن نواف اتصلوا علي..
تركي:وقف فيصل خذني على طريقك..مع السلامة

ابو نواف:ياربي وين راح ولدي؟ وين اختفى؟ لين 12 ساعه ماشفته لايكون صار عليه حادث؟
ابو ريما:..تفائلوا بالخير تجدوة يابن الحلال..


: : :
ام نواف تبكي: وينه وين نواف ..؟ياربي الله يستر
العمة نورة:اكيد انه نايم عند احد اصدقائه..
ام عبد الرحمن:انتي بس طولي بالك وان شاء الله مافيه الا الخير
ام نواف:اكيد ولدي صار عليه حادث ياربي بس وش اسوي؟
ريما عصبت من سمعت طاري الحادث:لا ياخالتي لاتفاولين عليه

الشغاله جت عند الحريم
الشغاله:مس ريما جوال انت فيه دق كتير تعال شوف<مترجمة الاخت..!!
ريما تذكرت انها قبل ماتنزل للحريم فتحت جوالها بعد ماكان مقفل..راحت لغرفتها وكانت المكالمات اربع ريما خافت..وعلى طول رن جوالها وكان رقم غريب

ريما:الو؟
.. :هلا ريما كيفك؟
ريما:مين معاي؟
. . .: ريما ماعرفتي صوتي؟
ريما: بتقول من انت ولا بسكر!!
. . :نواف معاك
ريما انصدمت وجمدت في مكانها ماتدري وش تسوي
ريما:نواف وينك؟ارحم امك وابوك الي ميتين من الخوف عليك!!
نواف:ريما طمنيهم عني..واسمعي بكرى العصر راح اجيكم بالبيت خلاص؟
ريما:طيب..بس انت وينك فيه؟
نواف:ليش خايفه علي؟
ريما:لا ليش اخاف على واحد مثلك؟بس انا رحمت عمي الي طول اليوم وهو يستناك
نواف حس بالغصه من سمع كلام ريما
نواف:خلاص بكرى ان شاء الله راح اكون عندكم..وقولي لأمي لا ينشغل بالها علي انا ماراح اجي للبيت الا متأخر..فمان الله..سكر الخط..

ريما نزلت بسرعة للحريم..
ريما:خالتي خالتي نواف اتصل ويقول انه بخير..
ام نواف قامت من مكانها وراحت باست ريما..ريما استحت
ام نواف:طيب وش قال؟وينه؟متى يجي؟ليش كذا خوفنا عليه؟
ريما:ماقال شيء غير انه بكرى راح يزورنا العصر..وقال طمني امي وابوي.. وانه بيتأخر الليله..
ام نواف: طيب والله ان شفته ماخليه الا يجيك ويبوس راسك ياريوم ويعتذر لك..
ريما سكتت ندى ونوف وهنوف يطالعون لها..


راحت ريما لعمها وطمنته على نواف وجلست معاهم شوي

ابو نواف: ريما يابنيتي انا والله مدري وش اقولك..نواف حطنا بموقف الله يصلحة ..ريما احنا شاريـــــنك وربي ونواف مدري وش الي خلاهـ يسوي هذا التصرف الهمجي..وانا واثق انه بكرى راح يجي ويفهمك ويفهمنا..واحنا كلنا نعتذر ونبيك ماتشيلين بقلبك شيء على نواف..و انتي بنتي وماسمح لاي شخص حتى لو كان ولدي يمد يدهـ عليك..

ريما سكتت ودنقت راسها ولا قالت شيء

ابو ريما:والله يابو نواف انت مالك شغل..يعني انا اذا شفت نواف بتفاهم معاهـ
ريما:عن اذنكم وطلعت..

جت الساعة 1 بالليل الكل راح لبيتهم واتفقوا انهم يجون بكرى العصر لبيت ابو ريما..علشان يشووفون وش راح يصير بين ريما ونواف



ريما كانت تفكر بنواف الي شغل بالها (ليش انا بالذات يتصل علي ..وش يبي بكرى مني..ياربي وش اسوي آآهــــ)

نواف من طلع من المجمع راح لسيارتة وجلس يدور ولا هو عارف وين يروح..؟كان يفكر بريما وانه ظلمها وعذبها..وماتستاهل انها تكون له..وراح يفكر كيف يعتذر لها..وبعدين راح لأحد المقاهي وجلس فيه الى نص الليل..طلع وراح يمشي بسيارته مايدري وش راح تكون ردة فعل ريما بكرى.؟ياترى بتسامحه.معها الحق لو ماتسامحها الي شكك في شرفها وتربيتها..وايش راح يسوي عمه فهد فيه ولاسيما انه يعرف ريما ايش هي بالنسبه لعمه..

آذن الفجر دخل احد المساجد ويصلي وبعد ماصلى جلس شوي بالمسجد يقراء قرآن وبعدين طلع..حس بالراحة بعد ماطلع من المسجد وراح لبيتهم الساعه 6 الصبح..على طول صعد لغرفته وطاح ونام..


ريما مانامت الا ساعه وحدة بس.. ونزلت تحت وجلست عند التلفزيون وجت اغنية اصالة آسفه (آسفة شوفلك غيري....) ريما كانت منسجمة مع الاغنية بشكل وحست بلوعة

اول مااذن العصر جو ام نواف وابو نواف ومحمد وهم ماشافوا نواف ابداً لان نواف كان نايم ومقفل باب غرفته..وبعدها جت العمة نورة وفيصل وهنوف والعم طلال وزوجته ونوف وعبد الرحمن

جلسوا الحريم بالمجلس والبنات بالصالة ..والرجال بمجلس الرجال..جت الساعة 5 ويطق الباب..ريما ارتبكت ونوف وهنوف يحاولون يهدونها علشان تتماسك وتعرف كيف تقابل نواف بدون ارتباك وخوف..


دخل نواف على الرجال بالمجلس وماكأنه نواف كان في عيونه حزن واضح وملامحه عليها التعب والارهاق..
نواف:السلام عليكم
الرجال:وعليكم السلام
ابو نواف:وينك يانواف ماشفناك خوفتنا عليك..!!
ابو ريما ماقال شيء لنواف وكان زعلان عليه..
نواف: كيفك عمي فهد.؟
ابو ريما من غير نفس:بخير
الكل كان يطالع نواف حس بتوتر شديد ..
نواف:عمي لو سمحت ممكن اتكلم مع ريما؟
ابوريما:ماشاء الله..تعطيها طراق وتبي تكلمها بعد؟
العم طلال:يابو ريما هدي بالك..الولد ماقال شيء غلط يبي يشوف ريما يبي يعتذر لها يبي يتكلم معاها وش فيك انت؟
ابو نواف:ايه يابو ريما..ضروري نواف يقابل ريما اليوم..تكفى ياخوي
ابو ريما تحت ضغط شديد:انا قايم يانواف اناديها بس مو علشانك علشان ابوك وعمك..
نواف حس باحباط



ابو ريما نادى ريما وقالها ان نواف يبي يشوفها..
ريما خافت وحست بارتباك

ريما: طيب يبه
راحت ريما مع ابوها..والعيال طلعوا برى المجلس ماكان فيه غير نواف وابوهـ وريما وابوها..
دخلت ريما وسلمت عليهم
ونواف وقف لما شافها وابتسم لها ..ريما على طول دنقت راسها..جلست ريما جنب ابوها بعيد عن نواف باآخر المجلس,,,

ابو نواف:يالله يابو ريما خلينا نتركهم ياخذون راحتهم
ابو ريما مطير عيونه:لا يابو نواف انا ماراح اترك بنتي..
ابو نواف:وين تتركها؟تراها مع زوجها اقول قم
ابو ريما معصب طلع معاهـ..

ريما ساكتة جاء نواف عندها وجلس
نواف:ريما..انا مدري كيف اعتذر لك ..انا غلطت عليك وانا ندمان اشد الندم والله اني ماسويت كذا الا من حبي لك وخوفي عليك..ريما انتي ملكتيني اسرتيني خلاص صرت ماصبر عنك..واول ماشفتك مع خالك ماحسيت بنفسي احس اني فاقد وعيي.. ماحدني اني اسوي كذا غير اني مو احبك انا اعشــــقك..ريما تكفين سامحيني.. ياريما ماحسيت بنفسي امس الا وانا متصل عليك انتي الوحيدة الي اتصلت عليك مع اني كنت متوقع انك ماراح تردين علي..ريما انا عارف اني غلطان والكلام السخيف الي انا قلته ماكنت اقصده كذا طلع مني..حست بلوعه لما طقيتك وجرحتك..ريما (مسك يدها)تكفين سامحيني انتي قلبك كبير وطيب..تكفين<شكله يعور القلب..

ريما استحت وسحبت يدها ..ودنقت راسها,,,

نواف:ريما وش قلتي؟خلاص تراني ماستحمل تكفين تكلمي..
ريما:والله يانواف الي سويته فيني مو قليل ..بس لو مانت غالي ماسامحتك
نواف:يعني انتي راضيه عني.؟
ريما اشرت براسها يعني ايه
راح وباس راسها
نواف:ويلوموني فيك ياقلبي!!الله لايحرمني منك ومن قلبك الطيب..انا بروح ابشرهم انك راضية عني
راح نواف لأبوهـ وعمامه وكان طاير من الفرح والعيال يضحكون عليه..دخل ابو نواف وابوها وعمها طلال عليهم هي ونواف
ابو نواف راح لريما :والله والنعم فيك يابنتي ياريما..وانا مااخترتك لنواف الا اني عارف اخلاقك وتربيتك العدله..الله يوفقكم
العم طلال:مبروك ياريما ..وانت يانواف عيونك شوي شوي عليها اكلت ريما بعيونك
ريما استحت ..والرجال جلسوا يضكون
ابو ريما راح عند ريما:الله يوفقكم ان شاء الله ..ريما وقفت وحضنته بقوة<كان منظرهم محزن..
ابو ريما:الله الله بريما يانواف حطها بعيونك..

نواف:لاتوصي ياعمي هذي الريم..
ابو نواف: يالله يبه نواف..قم انت وحرمتك وادخلوا على الحريم ترى امك بتموت على ماتشوفكم
نواف ماصدق الخبر يبي يمسك ريما باي طريقة..راح ومسك يدها
ودخلوا على الحريم ام نواف يوم شافتهم بكت من الفرحة..
العمة نورة جلست تزغرد
ونوف والهنوف مبسوطات علشان ريما..
ام ريما راحت وضمت ريما..

كان العشاء في بيت ابو ريما ونواف طبعاً بس عند ريما ماجلس مع الرجال...

والرجال والحريم يتريقون عليهم..في الحديقة
نواف:تدرين اني ماراح اسميك غير الريم..
ريما:هههه ليش؟
نواف:لانك بجد انتي الريم ..وكلمة الريم تحمل الكثير من المعاني وانتي المعاني كلها تجتمع علشان توصفك..
ريما استحت..
نواف:ارفعي راسك تكفين ابي اكحل عيونك بشوفتك
ريما:خلاص نواف ترى بقوم اذا ماسكتت
نواف:لا كل شي ولاتقومين خلاص هاه سكتنا(حط يدهـ على فمه)
ريما:هههههههه عاد مو كذا
نواف:تسلم لي الضحكة وصاحبتها
ريما:نواف ماتلاحظ اننا طولنا خلاص بروح اللحين البنات انواع التريقة علي..
نواف:لا ياقلبي وين ..الحين ماني مصدق اني جالس معاك وعلى طول بتروحين وتتركيني؟وبعدين منهم البنات الي يتريقون على زوجة نواف ابن سعود؟ لاتخليني ادوس في بطونهم
ريما:هههههههههههه
رن جوال ريما طلعت نوف
نوف:الو ؟وينك يالسخيفة نسيتينا من شفتي نوافوه
ريما:حدك مين هذا نوافوهـ؟
نواف مطير عيونه.ومبسوط على كلام ريما
نوف:بدينا ندافع انتي وجهك؟ترى غثنا هذا نواف صرنا مانشوفك علشانه
ريما:فديت قلب نواف انا..احسن خليه يغثكم شوي دايم وانتم غاثيني
نواف خلاص الولد انجـــــن على كلامها
نوف:خلاص خلاص متى راح تدخلين؟

ريما بتقهر نوف:لحظة نوف..حبيبي نواف وش رايك متى ادخل للبنات (ريما غمزت له وقربت الجوال عنده)
نواف:لا يالغلا لاتدخلين مابعد شبعت منك..
نوف عصبت:اوووووه منك انتي وياه من زينكم الشرهه علي انا الي جالسه اترجاك .. باي سكرت الخط
ريما:هههههههههههههههه..ياحياتي يانوف
نواف:وانا مانيب حياتك بعد؟
ريما بتقهره:على فكرة لاتصدق الكلام الي قلته من شوي بس حبيت اقهر نوف
نواف عصب منها :طيب طيب انا اوريك الشغل..
ريما:وش بتسوي؟
نواف: اصبري انا بروح للسيارة شوي ابي اجيب لي غرض وانتي اجلسي شوي اووكي؟
ريما:اوكي!!
نواف كان معاهـ بوكية ورد جوري<نقطة ضعف ريما..
رجع نواف ومعاه البوكية ريما قمزت من مكانها وكانت مبسوطة مرررة..
نواف:ريما بالله اعطي نوف البوكية هذا
ريما بعصبية:نعم؟نعم؟
نواف بيقهرها:ايه ياحياتي هي نووفه تستاهل ..مو من شوي تقولين انها حياتك.!!خلاص حياتك هي حياتي..اعطيها البوكيه
ريما:هههههههههههه
نواف طيب وراك ماقلتي لي يسلمو شي؟
ريما تبي تقهره:ماتستاهل..
نواف مسك وردهـ وجلس يطالع فيها وفي ريما ويقول:ياورد من علمك تجرح الجرح ماهو من طباعك؟
ريما حست انه يقصدها ورحمته:تسلم لي يالغالي ..الله لايحرمني منك..وقطعهم صوت الجوال..

اتصل فيصل على نواف
فيصل:وينك انت وجهك؟خلاص ياخي مامليتوا من بعض؟
نواف:كيف امل وقبالي الريم!!
ريما استحت..
فيصل:ايه الريم ..اقول تعال الرجال يبونك
نواف:احلف..طيب دقايق واكون عندكم فمان الله

ريما:قلت لك خلينا ندخل تقولي شوي
نواف:ماعلي منهم دامك معاي ماهمني احد..
ريما:خلاص نواف !!
نواف :هههههه خلاص خلاص يالله بروح
ريما:يالله حتى انا
راحت ريما للحريم ونواف للرجال..
اول مادخلت ريما
ام ريما:وراك طولتي ريوم؟
هنوف:من شاف احبابه نسي اصحابه
نوف:والله حالتنا حالة جايين علشانها وبالاخير طنشتنا
ام نواف:وش فيكم عليها..خلوها براحتها
ريما:هههههههههه
جلست ريما مع الحريم ..

عند الرجال دخل نواف
نواف:السلام عليكم
الجميع:وعليكم السلام
فيصل:كان ماجيت
نواف:والله ودي هههههههه
محمد:ايه اخوي وانا اعرفه ترى ماكان يبي يدخل
نواف:والله انك صادق
العم طلال يمزح مع نواف: ياخي استحي على وجهك يانواف وش ذا الكلام
فيصل:هههههههههههههههههههه
محمد:ههههههههههههههههههههه
عبد الرحمن:ههههههههههههههههه
نواف: وش فيكم؟ اليوم علي!!
ابو ريما:طيب ريما دخلت..
نواف:ايه


جت الساعة 12 وبعدين الكل راح لبيتـــــــــــــــه..


العم ابو نواف كان مسوي عزيمة كبيرة بمناسبة رجوع نواف لريما في المخيـــــم الي بالبــــر الكل راح العصــر الساعة 5 (وبما ان الاخوان مرة مرتبطين ببعضهم ابو ريما وابونواف وابو عبد الرحمن فالكل يطلع )


ريما لبست تنورة رصاصي برمودا وعلى الخصر ربطه حرير لونها فسفوري اخضر فاتح مرة كلها ترتر والبلوزة كانت لونها فسفوري وفيهـــــا بالوسط طبعة وردهـ كبيرة مخمل لونها رصاصي وفيها ترتر خفيف ..لبست ربطة شعر كانت لونين فسفوري ورصاصي مموج بعضها بعض وكانت مجعدهـ شعرها صايرهـ ستايـــــــل!!


جلست مع الحريم الي كانوا في قسم الحريم والرجال طبعاً في قسم الرجال الكل كان حاضر وموجود.. ريما وهنوف ونوف كانوا جالسن يشربون عصايرهم ويسولفون
نوف:هنوف تكفين قولي لفيصل نبي نتمشى الجو روعة!!
هنوف:هاهاهاهاها قال فيصل قال اقول فكينا منه..انا طالعه ابي اشم اوكسجين تذكرني بفصيل هذا
ريما:ليش؟قولي له مها وعبودي نفسهم يطلعون يتمشون اكيد بيوافق!!
هنوف:ماراح يوافق اخوي نذل ههههههههههه
ريما:ههههههه جربي ماراح تخسرين شي
نوف:ايه تكفين يالله عا111111111د
هنوف تتغلى عليهم:بس انا جوالي مافيه رصيد بــــــــح!!
نوف:فدوهـ لك جوالي وصاحبته بس انتي اتصلي...
ريما:يالله عاد هنو مافيه اعذار ..امس امطرت واكيد المناظر برى جنان!!
هنوف: طيب طيب!!ياربي الله يستر منك يافيصل<<مسوي رعب

هنوف:الووو فصولي؟
فيصل عند الرجال:هلا
هنوف: ممكن اطلب طلب..موبس انا كل الحضور<تتخيل انها مع اغنيه راشد
فيصل:وش تبين؟
هنوف:انا والبنات وطبعاً الغالين مها وعبودي نفسنا نتمشى الجو روعة هاه وش قلت؟
فيصل:الا على فكرة الحين كلنا بنطلع نتمشى الرجال والحريم من شوي خالي ابو عبد الرحمن قال اننا بنطلع نتمشى مع الحريم والبنات الجو حلو والمناظر روعه
هنوف:احللللللللللللللللللف..ياحياتي ياخالي اذا شفته ابغى ابوسه على راسه..
فيصل:هههههههههههههههه يالله قولي للحريم يتجهزون
هنوف:طيب كم السيارات الي بيروحون؟
فيصل:انتي وش عليك؟الحين مالك الاتروحين وتتمشين
هنوف:طيب طيب لاتهاوشني..دايم ماتكملها هالمعاملة الزينة الا تختمها بهوشة
فيصل:سلام سكر الخط

هنوف قالت للبنات وللحريم الكل لبس عباته ومها وعبودي حالتهم حاله مبسوطين يحبون السيارة مرة ..

طلعوا الحريم من المخيم..والرجال كانوا برى..طبعاً ابو نواف جلس ومحمد وعبدالرحمن جلسوا معاه ماراح يتركونه لحاله لان الجميع راح وخلاهـ

سيارة ابو ريما كانت فيه العمة نورة وام ريما وام نواف وام عبدالرحمن (السيارة صغيرة لكزس)
سيارة فيصل كانت فيه هنوف ونوف ومها وعبودي (بعد سيارته صغيرة مكسيما)
سيارة نواف مافيها احد..

ريما جت متأخرة لقت الكل راكب السيارات راحت اتصلت على هنوف وقالت لها انها بسيارة فيصل مع نوف والبزارين فتحت الباب لقت ماتكفي السيارة عصبت وسكرت الباب

راحت لسياراة ابوها كانت مليانة ولافيه مكان وقفت مكانها وهي معصبة..!!
فجأءة سمعت صوت يناديها ريمــــــــا ريمــــــــــــا!!
التفت لاقته نواف..
اتصل عليها
نواف:هلا وغلا بالريم..
ريما بصوت متقطع من الحيا:هلا
نواف:وراك ماتركبين؟
ريما سكتت ماتدري وش تقوله:مدري مليانات
نواف:افا ياريما اللحين سيارتي فاضية مافيها احد وزوجتي واقفة تبي تركب ولا تلاقي احد؟
ريما متفشله
نواف:الوووو ريما؟ معاي؟
ريما:اييه معاك على الخط
نواف:تعالي يالله استناك!!
ريما:لانواف والي يسلمك فشله اركب معاك
نواف:وش فشلته اقولك تعالي
ريما:لا ماراح اركب معاك..
نواف:يعني بتزعليني ؟
ريما:لا مايهون علي زعلك..بس وربي مقدر اعذرني نواف تكفى
نواف:طيب مع السلامة<<زعلان

نواف نزل من سيارتة وراح لسيارة عمة ابو ريما..وقف عند النافذة
نواف:هلا عمي
ابو ريما:هلا فيك..وراها ريما واقفه في مكانها ماتركب
نواف:عمي شوف بنتك هذي..مالقت مكان مع البنات بسيارة فيصل وانا زوجها سيارتي فاضية اقولها اركبي معاي تقولي مابي....
العمة نورة:هذي هي ريما تستحي من ظلها
نواف: بس مو مني تستحي
العمة نورة:الا انت السبب الرئيسي في الحيا
نواف:هههههههههههههه يالله عمي تكفى قولها تركب معاي الجو بارد
ابو ريما:طيب طيب
نزل ابو ريما من سيارته وراح لريما وجلس يهاوشها وهي رافضة نواف جاء مع عمة ريما استسلمت للأمر الواقع وركبت السيارة مع نواف

ومن بعيد لبعيد انواع التريقه في سيارة فيصل البنات على ريما وهو على نواف ...ويضحكون عليهم ضحك موطبيعي...
جت ريما وفتحت الباب الي وراء قام نواف سكرة ...وفتح لها الباب الي قدام ركبت على طول لان انظـــــار الناس كلها عليها..


مشت السيارات كلها وراء سيارة ابو ريما

في سيارة فيصل انواع الهبال ضحك ومزاح مع صراخ البزارين
في سيارة ابو ريما كانت سوالف هاديـــــــــــه
في سيارة نواف (وماادراك عن سيارة نواف)هههههههههههه

نواف كان مشغل اغنية راشد الماجد متكبر علينا (يعني ماودك تجينا يعني متكبر علينا صرت متغير وقاسي...............)
نواف:الريم هاه يعني متكبرة علينا؟
ريما تضحك عليه..
نواف:فديت الضحكة انا..
ريما:نواف خلاص عاد
نواف:يالبى قلبه الي عصب
ريما:اوووووووووووووف
نواف:ههههههههههههههههههههه طيب طيب
نواف الريم..
ريما:هلا؟
نواف:احبـــك حب صعب اوصف شعوره
عن التعبير يعجز بي لساني
احبك صدق قلبي هــــــو يقولــــــه
ولاجيت اخفيه بعيوني يباني

ريما مدنقه راسها من الحيا..
نواف:الريم هذي الابيــــــــات لك يالغلا..
حس ان ريما مستحيه منهــ..
نواف:هاه ريما انتي للحين هلاليه؟
ريما لاشعورياً بكل جراءة:ايييييه هلاليه حتى النخاع
نواف:يابعدي انتي والله..ايه كذا مابي زوجتي الا تصير هلاليه
ريما:هههههههههه
نواف: وش رايك باآخر هدف سجله الذيب (للمعلوميه سامي الجابر اللاعب لقبه الذيب)
ريما:ياسلام عليه ابو عبدالله تحفة ..الله لايحرمنا من اهدافه وابداعاته..
نواف:انا صراحة مدري وش اسوي اذا اعتزل الذيب آهــ ياسامي
ريما:ههههههههه شكلك تحب سامي
نواف:بس مو اكثر منك!!
ريما استحت...
نواف:ايه اكيد احبه هذا الذيب..سامي عثرات الهلال.
ريما:الا على فكرة نواف..شفت سامي صار سفير للنوايا الحسنة عينوهـ رسمي..
نواف:والله.ياسلام عليك ياسعادة السفير يستاهل والله..اذا ماخذاها سامي مين ياخذها..
ريما:اقول وقف سيارتك شكلهم بينزلون يتمشون.
نواف:طيب يالله

نزلوا الكل كان حاب يتمشى الجو روعة بارد ومغيم الكل نزل ريما وهنوف ونوف مع بعض والحريم مع بعض..وفيصل وابو ريما
نواف بصوت عالي:ريــــــــــمـــــــــــــــا تعالي
ريما راحت له :هلا
نواف:ابي اتمشى معاك..ممكن؟
ريما تلون وجهها احمر واخضر واصفر هههههههههه
نواف:هاه وش قلتي؟
ريما: وش بيقولون عنا!! من شوي كنا مع بعض
نواف: مهما يقولون مهما صار مهما تم
انت البدايات وآخر ساحل وميناء
من هرجة الناس للعذال لاتهتــم
لو هم يحسون فيــنا ماحكوا فينا
ريما كانت تحب هذي الاغنية بالحيل ولاسيما ان نواف قايلها..مسك يدهـــــــــا ..
ريما:لا نواف تكفى نزل يدك فشلة وربي..
نواف:طيب انتي مرتي على سنة الله ورسوله كيفهم الناس
ريما عصبت ..نواف مصمم مسك يدها وابتسم لها <ريما ذابت
نواف وهو مبستم:يالله عاد..


ريما ونواف تمشو مع بعضهــــــــم ...وهنوف ونوف معصبات على نواف انه اخذ ريمــــا
هنوف:ترى هذا ولد عمك يبي له ضربه
نوف:اقسم بالله رفع ضغطي ياخي توها عنده بالسيارة..
هنوف:والله حتى احنا نبيها مو بس هو
نوف:لا شوفيها هي مايعه معاهــ وحالتها حاله
هنوف:اقول شكله مالي الا انتي وانتي مالك الا انا
نوف:ههههههههههههه يالله خلينا نتمشى لمين ربي يرزقنا بولد الحلال الي يتمشى فينا
هنوف:آهـــــــــــ ياقلبي
نوف:ههههههههههههههههههههههههههه
هنوف:هههههههههههههههههههههههههههههههه

ام نواف:ماشاء الله وربي لايقين على بعض
ام ريما:الله يوفقهم ويهينهم ويسعدهم
العمة نورة:ماشاء الله كل واحد احلى من الثاني كيف بيطلعون عيالهم؟؟!!!
ام عبد الرحمن:ايه صادقه ماشاء الله كلهم حلوين ..الله يوفقهم


ابوريما:وينه هذا نواف.؟
فيصل:ههههههههه رايح فيها الولد من شاف ريما
ابو ريما:ههههههههههههههه


نواف: ماكذب يوم قالها طلال الرشيد الله يرحمة
اموت من فرقاك واموت بلقاك
واموت في جورك واموت بحنانك
كل قضاة يموت مرة ويفــــداك
وانا اموت الفيــــن مـرة عشـــانــك
ريما:الله يرحمه..عطست ريما..
نواف:يرحمكم الله..
ريما:يهديكم الله ويصلح بالكم..الجو بارد
نواف:شكلك اخذتي برد

نواف كان لابس فنيلة لونها كحلــــي وفيها طبعات يد باللون السماوي وبنطلون جينز ازرق وجكيت كحلي جلد..وشعرة خطير ناعم مررررررة اذا جاء هواء طيرة

نواف فصخ الجكيت ولبسه ريما
نواف:علشان ماتتعبين بسببي..يالله خلينا نرجع..
ريما كانت ذايبه مع نواف
ريما:بس شكلهم مطولين يبون يجلسون..
نواف:وش علي منهم..الريم بردت خلينا نرجع انا وانتي..
ريما:تسلم لي وهي تطالع له كان اطول منها مرررررره طويل
نواف ابتسم لها..

نواف بصوت طويل:ياجماعة انا وريما ماشيين..
ابو ريما:وين تونى!!
نواف:لابس الريم بردانه..واخاف تاخذ برد
ام نواف:ههههههههه خذ راحتك يمه..كل شي ولا ريما
ام ريما:هاه ريما وش فيك.؟تعبانة؟
ريما:هههههه لا يمة بس عطست ونواف خاف يحسبني بمرض!!
ام ريما:هههههههههههههههههه

ركبـــــــــوا نواف وريما
نواف كان بس يطالع بريما
ريما:نواف وش فيك؟لاتطالعني ..انتبه للطريق,..
نواف:كيف ماطالع وكل ذا الزين جنبي..!!
ريما دنقت راسها متفشله من كلامه
نواف:آسف آسف لاتعصبين زلة لسان..
ريما:ههههههههههه ياكثر مايزل ذا اللسان
نواف:لاتلوميــــــــــــنه..


وصلوا ريما ونواف للمخيم وكانت بس هي لحالها..بقسم الحريم نواف راح سلم على ابوهـ واستئذن منه علشان يجلس مع ريما لانها لحالها مابعد جوا الحريم..

ريما كانت تعدل الميك آب كانت ماسكه المرآيه وتحط كحــــــل ونواف جالس يطالعها من بعيد هي المسكينة مانتبهت له على اساس انه راح للرجال
وبعدين تعطرت عطر بريحة التفاح مرررة حلوة ريحتة وطبيعية..
نواف دخــل عليها وهو يقول :ليه العطر وانتي انفاسك دخون
وليه الكحل وانتي ماغيرك عيون
ريما:بسم الله الرحمن الرحيم..وش فيك رجعت.؟
نواف:ليش شايفة جني؟ خلاص شكلك مليتيني انا بروح
ريما:لا لا وقف تعال نو111111111ف
نواف رجع:نعم؟
ريما:ههههههههههههه زعلت؟
نواف: وبعد تضحكين؟
ريما:ههههههههههههههههههه فديت الزعلان.. بس كنت احسبك عند عمي والعيال
نواف:ماهنتي علي تجلسين لحالك قلت اجلس معاك..
ريما:مشكور وكلك ذوق والله

جلس نواف مع ريما وماطول بعدين جوا الحريم

راح نواف للحريم وفيصل يهاوشه ويتريق عليه ويضحك فيه ..وريما المسكينة ماسلمت من لسان نوف وهنوف..وجلسوا مع الحريم
نوف كانت فاتحة البلوتوث وكان النك حقهـــــا !i!i N !i!i

هنوف ماكانت مشغله البلوتوث
ريما # دلوعة اهلها#

عبدالرحمن:محمد ارسلي مقطع التفحيط بلوتوث
محمد:طيب افتح البلوتوث
عبد الرحمن:ياخي فاتحه من سنين طووويلة
محمد:ياحبك للمبالغه هههههههههههههه

فتح محمد القائمة ولقى فيه #دلوعه اهلها#
!i!i! N !i!i

عــــــ2006ــــبادي <عبد الرحمن

محمد:عبدالرحمن تعال شوف القائمة الي طلعت لي
عبد الرحمن:اييييه هذا حرف n نوف اختي اما دلوعه اهلها مدري والله
محمد:اكيييد ريما لانها هي بالواقع دلوعة اهلها هههههههههههه
عبد الرحمن:هههههههههههه

محمد حب يرسل لنوف وكان النك حق البلوتوث محمد ابن سعود<علشان تعرفه
ارسلها اغنيــــــــة {وينك؟} لعبدالكريم عبد القادر


نوف شهقت:اهـــــــــئ بنات بنات تعالوا شووفوا
ريما:بسم الله عليك وش فيك؟
نوف:محمد ولد عمي ارسلي
هنوف:ومن وين له رقمك ؟هاه اعترفي
ريما:ياقليلة الادب ههههههههههههه
نوف:اكلتوني انتي وياها ارسلي بلوتوث
هنوف طايرة:وشو؟
نوف:ماني بقايله لك..
هنوف:لا تكفين
نوف:ارسلي اغنية وينك حقت عبد الكريم
ريما:احلللللللللللللللفي الاغنية خطيرة يا111111111ي
هنوف:آهـ ياقلبي كلماتها تحفة ..ايه ناس يرسلها..وناس تكلم خطيبها..وناس تتفرج
ريما:ههههههههههههههههه ياحياتي انتي ..اصبري وان شاء الله بيرزقك ربي ولد الحلال
هنوف:اييه اتريقي علي..
نوف:هيه بنات وش اسوي؟
ريما:لاترسلين له..اثقلي..
هنوف:طنشي..طنش تعش تنتعش
نوف: رايكم كذا..اووكي


محمد عصب منها ومن برودها<<العم متوقع انها ترسل له

نوف:بنات ارسل مرة ثانية..وش رايكم اضغط استلام او لا؟
هنوف:يوه وش ذا اللزقه..اشطفيه حطي غير موافق
ريما:لا يابنت الحلال استلميها وطنشيه لاترسلين له
نوف استلمتها بنات...... وكـــــانت اغنية (ناويلك على نية..بس انت اصبر شويه..اذا ماعلقك فيني..وهواك يصير بيديا..ناويلك على نيــــــــة)حاط اسم نوف
هنوف:هههههههههههههه
ريما:ياويلك الولد ناويلك على نيةههههههههههه
نوف:ههههههههههههههه

طبعاً محمد استحى شاف الرجال كلهم يطالعون فيه..لانه كان بس عيونه في جواله..دخل جواله في جيب البنطلون ..نواف:محمد وش فيه جوالك؟ الي بس مبقق عيونك عليه
عبد الرحمن:نواف انت وش دخلك بالولد؟
محمد:اه ياعبد الرحمن هذا بلشة ماشفت شي بالبيت..ينشب لك في الحلق..
نواف:طيب انت وياهـ شغلكم عندي ..بس مو قدام الرجال


سهــــروا البنات وانبسطوا مع الحريم سوالف وضحك ومزح...وبعدين الكل رجع لبيته حدود الساعه 2 بالليل..

: : :

جــــاء رمضان...وريما كانت مشغولة بدراستها لان الاختبارات ع الابواب...كانت هي وندى يوم تنام عند خوالها ويوم ندى تنام عندها..ويتصلون على هيفاء بالشرقية..وعلى هنوف ونوف...
ويضحكون ويمزحون معاهم..

ريما:الوو هنوف شخبارك؟
ندى اعطيني بكلمها:هلا وغلا باحلى هنوف بالدنيا
هنوف:هههههههههههه هلا ندى شخبارك؟من زمان عنك
ندى:اقول هنوف وش رايكم بكرى تجون عند ريما وتنامون انتي ونوف عندها من زمان عنكم؟
هنوف:والله فكرة خطيرة بقول لأمي وان شاء الله توافق..ادعوا لي ههههههههههه
ندى:لا ام فيصل عسولة ماتوقع ترفض..قولي علشان ندى<عندها ثقة بنفسها
هنوف:ههههههههههههههههه
ريما وتاخذ السماعة:ماشاء الله انتي وياها تتعازمون وفي بيتي المصون هههههههههههههه
ندى باعلى صوتها وتجر السماعة من فمها:ترى هي بخيلة بس ماعليك منها انتي جايه بيت خالك فهد وانا بيت اختي سلمى ههههههههههههههه
هنوف:صادقة ندوش يابخيلة انتي الله يكون بعون نواف
ريما:آهـــــ نواف..
ندى:يووووه وشوله تقولين اسم نواف اللحين تحلم فيه ههههههههههههه
هنوف:هههههههههه الولد مسوي عمايله فيها هههههههههههههههههه
ريما:اقول اسكتي انتي وياها..
ندى:يالله هنو لاتطولين علينا ردي لنا احنا بنتظارك..
هنوف:اووكي دقايق..باي


الثنائي المرح ندى وريما اتصلوا على نوف..و مثل كذا جننوا فيها بالمكالمة ضحك وهواش..وقالوا لها..وافقت ام نوف ..وام هنوف انهم يباتون عند ريما بكرى ولاسيما ان ندووش المصرقعه معاهم..

: : :

جـــــاء من بكرى وبعد الفطور برمضان افطروا ريما وندى وام ريما..لان ابو ريما كان معزوم ع الفطور عند اخوهـ ابو عبد الرحمن ...وبعدين جلســــوا عند التلفزيون يتابعون طاش ما طاش<برنامجنا المفضل ههههههههههه

دخلت عليهم هنوف وندى قمزت من مكانها وسلمت عليها بحرارة..وجت الساعة 10 وجتهم نوف وياهم ازعجوها بالاتصالات

تعشــــوا البنات وهم يسولفون وحالتهم حالة مع ام ريما.. وبعدين جلســــوا قبال التلفزيون(تعرفون برامج ومسلسلات رمضان ماتتفوت!!)

ريما:بنات تبون آيس كريم؟
ندى:من شاور ماعطى
هنوف:اييه بليز مس ريوم بدنا آيس كريم ستروبري
نوف: وانا ابي آيس كريم فستق
ريما:وانتي ندوش؟
ندى:ابغى امممممممممممم اممممممممممم
ريما:اقول خلصي بسرعة اسواق يستنى
ندى: اوكي ابغى بنكهة الكوفي
ريما:وانا اكيد توفي

جلســــوا يسولفون ويضحكــــون مع بعض..
ندى: ياحليلة تركي حالتة حاله مشغول بدراسته
ريما: ياحياتي الله يوفقة الطب يبي له دراسة شديدة
نوف:ماشاء الله عليه مزيون ليش مو طالع عليك ندووش؟
ندى:هههههههاي هو مزيون وانا لا اشوف انقلبت الآيه؟
هنوف ساكتة ماقالت شيء
ندى:احم احم نحن هنا وين سرحتي هنوو؟
هنوف:هاه لابس معاكم
ندى: وش كنا نقول طيب؟
هنوف: أأأأأأأأأ امممم تتكلمون عن اخوك تركي
ندى:طيب شاركينا بالموضوع
هنوف:وش دخلي انا فيه من كثر ماشوفه ولا اتكلم معاه!!
ندى: ههههههه اعصابك اعصابك
نوف:ههههههههههههههههههههه
ريما حست بهنوف انها بدت تعصب
ريما:ياربي بنات وش رايكم بجلابيات انسام الخلف الي بالمسلسل الكويتي!!
هنوف:اييه روعة وخصوصاً هذيك الممثلة مشاعل
نوف:ولا الميك آب حقها حنان دشتي
ندى:الصراحة جلابياتهم مبالغ فيها كلها حوسه والوان صارخة واشياء تلمع مادري احب النعومة

جــــــــا الايس كريم
ندى قمزت من مكانها واخذت الكيس من الخدامة
ندى:يالله طابور انتي وياها!!
ريما:ههههههه اقول اعطيني حقي
ندى:الواحد بــ15
هنوف: اقول اعطينا اللحين بدى يموع
نوف:ههههههههههههههههه

اعطتهم آيس كريم وجلســــوا ياكلون ويسولفون..

جــــت الساعة 3 الفجر!!
ريما:بنات يالله خلينا نصعد لغرفتي فوق نسولف ونضحك وراح اوريكم عندي مجلات شريتهم تحفة فيها مقابلات مع ابو الهش ياهنوووف..وانتي يانوف فيه عندي بوستر لياسر القحطاني..وندوش فيه عن توم كروز وليوناردوا و براد بيت..وشاروخان
هنوف:ههههههههه يعني تسوين عروض
ريما: ايه هههههههههه

صعدوا البنات فوق وجلسوا يسولفون ويضحكون ريما جالسه على الكنبة الي بغرفتها ممده رجولها..وندى وهنوف على السرير ويقرون المجلات ويلعبون برجولهم مرة فوق ومرة تحت..ونوف على المكتب يضحكون وصراخهم واصل لتحت..

فجــــــــأءة رن جوال ريما وطلع نواف..
ريما قمزت من مكانها
ندى:بسم الله عليك وش فيك..بعدين مين الي متصل بهالوقت؟
ريما:بنات نواف نواف
هنوف:ههههههه انا اقول وش فيها البنت حالتها حالة..
نوف:ردي اللحين
ريما:بس اول مرة يتصل ذا الوقت..
ندى:مشتا11111ق ههههههههههههههه
هنوف:ههههههههههههههههههه
نوف:هههههههههههههه


ريما عصبت وطلعت..من الغرفة وردت عليه
ريما:الوووو؟
نواف صوته متغير:هلا الريم...شخبارك
ريما:هلا فيك..تمام..وانت كيفك؟
نواف:بخيـــــــــر,,
ريما:نواف وش فيك ..وراهـ صوتك متغير؟
نواف ماشاء الله عليها على طول عرفت ان فيني شي: ايييه ياريما..انا شوي تعبان
ريما خافت:وش فيك؟ قولي؟
نواف:لابس انا حاس اني شوي تعبان ومحتاج اسمع صوتك!!
ريما:تعبان يعني وش فيك؟
نواف:لا مو تعبان تعب.. بس تخيلي..اعز اصدقائي سافر آهـ ياريما مدري وش اسوي احس بلوعة من كنت صغير وهو معاي بالمدرسة..ويوم كبرنا سافرنا كلنا ندرس بامريكا ورجعنا سوى تخرجنا سوى واللحين راح لقى وظيفة برى المملكة سافر ............
ريما عورها قلبها عليه كان متضايق: نواف كذا حال الدنيا لكل بداية نهاية..يعني لابد تفترقون مافيه صداقة كذا تدوم لازم فيها عوائق الحين هو بيروح وانتى بتشتغل وبتلهى في شغلك.. كذا الدنيا اخــذ وعطاء..تعطيك الصديق الصدوق وتاخذهـ منك..لاتتضايق هونها وتهون
نواف:لا والي ضايقني اكثر تذكرت لحظة وداع
ليت ربي ماكتب لحظة وداع ..
ولافراق ولادموع ولاضياع..
ليت كل الناس خل مع خليله
وكل ماقــــــيل النهـــــــاية..
بين الاحبــــــــاب الرحيل..
قلــــــــت احبــــه حيــــــل..

ريما:نواف خلاص ..اللحين عندك انا بفارق صديقاتي يعني انا بثالث ثانوي وكل وحدة بتروح تخصص يعجبها.. اهم شيء يروح صديقك وهو راضي عنك..ويذكرك بالخير وتذكرة بالخير..واحمد ربك الي فيه الجوال والايميل تقدر تتواصل معاهـ..طيب تخيل زمان اول مافيه كل ذي الوسائل تنقطع عنه..طيب اذا انت تبيــــه كذا يانواف ترى احــــنا نبيك بعد..
نواف:الله لايحرمني منك ومن كلامك الي شافى جروحي..وآسف اني تعبتك معي..وازعجتك يالغلا
ريما:لا وش دعوى نواف..لاتقول ذا الكلام ترى ازعل
نواف:كل شي ولا زعل الريم..


فجـــــــأءة تدخل عليها ندى وهنوف ونوف
ندى:اوووووووووو الله ماخلصتي لحد اللحين حرام عليك الولد راح يمل منك..عيب استحي..والوقت متأخر..
هنوف:عصافير الحب مابعد خلصتوا؟
نوف:ياربي منه..حتى هنا لاحقني نواف هههههههههههههه


نواف:الووو ريما؟وش ذا الصراخ الي عندك؟
ريما:البنات نايمين عندي..
نواف:اوووف آسف شكلي ازعجتك..روحي اجلسي معاهم
ريما:لا انا اساساً طفشت منهم بس صراخ وضحك وهواش
نواف:هههههههههههههه..قولي لهم لايضايقون الريم ولا بجي واكسر روسهم
ريما:ههههههههههههههههه. ياليت!!.خلاص نواف انا بروح لاني ماراح اكلمك بذا الجو المزعج..اووكي!!
نواف:اوكي..والف شكر يالغلا انك خففتي عني همومي
ريما:ماسويت شي..
نواف:يالله تصبحين على خير
ريما:وانت من اهله

سكرت الخط ريما والبنات انواع الضحك عليها والمزح والتريقة..صلت الفجر ونامت وتركتهم وهم يصارخون عليها ويضحكون


: : :

جــــــاء العيد ...ريما تحب تصلي العيد مع امها بالمسجد وراحوا وصلوا العيد ورجعوا..كانت مبسوطة وتحس براحة بعد مارجعت من صلاة العيد ..ريما كانت مواصلة من امس مانامت وماجاها نوم من الفرحة بالعيد..العصر راحت ريما وامها لبيت خوالها علشان يعايدون جدتها هياء...

ريما كانت لابسة تنورة لونها أحمر حريرمكسرة الى نص الساق..وبوت لونه ابيض وعلى الجنب فيه وردصغير لونه احمر..وبلوزة صوف الوانهها احمر وابيض كمها طويل كانها مثنية من قدام وفيهـــــا بروش يلمع فية فصوص لونه أحمر.. مجعدهـ شعرها وحاطه وردة جوري لونها أحمر بشعرهــــا

سلمت على جدتها وخالتها ندى..وخالها تركي..بعدين جوا الحريم وراح تركي طلع برى البيت.. وجلسوا بالصالة والحريم كانوا كثار عندهم(علشان الجدة هياء) وريما وندى مشغولات يصبون ويدورون بالحلويات على الحريم ..وجت الساعة 7 المغرب اتصلت ام فيصل العمة نورة وقالت انها بتجي تسلم عليهم وتعايدهم وتعايد اخوها ابو ريما..راحت ام ريما وريما واخذوا ندى معاهم للبيت وندووش تحب جمعة هنوف ونوف وريما...

جت العمة نورة للبيت وجلسوا بالحديقة وسلمت عليهم وكانت معاها عبودي وهنوف..وبعدين اتصلت ام نواف وقالت انها بتجي تعايدهم..وجت ام نواف وسلمت عليهم وعايدتهم...

ام ريما:اقول يام نواف وراء ماتجلسين عندنا الليله بنسهر وننبسط الليلة عيد!!
ام نواف:والله مدري بس ازعجناكم كل لليلة واحنا عندكم
ام ريما:لا وش ذا الكلام البيت بيتكم..وهذي الساعة المباركة الي نشوفكم فيها ..
ام نواف:خلاص اجل بنسهر عندكم انا وام فيصل
العمة نورة:ايو الله انا صراحة انبسط اذا تجمعنا في بيت اخوي فهد
ام ريما:حياكم ربي بأي وقت..خلوني اتصل على ام عبد الرحمن ياليت تجينا وتسهر معانا!!


اتصلت ام ريما على ام عبد الرحمن وكانت عند اهلها وتعذرت منهم..وام ريما قبلت عذرها..

ندى:يووة يعني نوفه ماراح تجي الليلة؟
هنوف:حسافة!! بعدين تعالي انا مو ماليه عينك ولا مو ماليه عينك؟
ندى:ههههههههههههه لا والله وينها حبيبتي نووووف والا انتي وش ابي فيك!!
هنوف:طيب ياندوووة ..
ريما:ههههههه الي يشوفها من شوي بتتجنن من الفرحة انها بتشوفك نصابه ندوش
ندى:مير ياسخفكم انا بروح اجلس عند الحريم..وش لي بالبزارين ثانوية عامة ههههههههه اقول ذاكروا زين انتي وياها
هنوف:اوف واللي يرحم والديك لاتجيبين سيرة الثانوية العامة اللحين عيد بننبسط شوي!!
ريما:ياربي لك الحمد..تراك اقرفتينا بننسى هموم الكتب والمذاكرة
ندى:ههههههههههههههههههههههههههههههه

ام نواف:ريما نواف ماجاك اليوم؟
ريما كانت متضايقة من نواف انه ماجاها :لا..
ام نواف عصبت وطلعت جوالها من الشنطة علشان تكلمة وتهاوشه ماجا يعايد خطيبتة
قامت ام نواف من مكانها وراحت بعيد عن الحريم!!

ام نواف:الووووو؟ نوافوة وينك وليش ماجيت بيت عمك ابو فهد تعايد ريما؟
نواف:بسم الله الرحمن الرحيم يمة شوي شوي علي اكلتيني ..انا اللحين عند الباب قوليلهم يفتحون لي
ام نواف:عشت والله ..ايه هذا ولدي الي انا اعرفه
نواف:يالله يمة تكسرت رجولي وانا واقف
ام نواف:يالله فمان الله

طق الباب الي بقسم الرجال وفتحت الشغالة وقالها تنادي ريما

عند الحريم بالحديقة
الخدامة:مس ريما ..مستر نواف عند الباب<حفظته هههههههه
ريما قمزت من مكانها
الحريم يضحكون عليها..دخلت البيت ودخلوا معاها هنوف وندى
ريما:ياربي وين العطر..يووة فوق مين بيروح يجيبة؟
ندى:خذي عطري يالله
تعطرت ريما
ريما:هنوف حلو شكلي؟
هنوف:تطيرين العقل يالله تأخرتي على الولد جالس لحاله
ريما:يالله عن اذنكم باي
ندى:شوي شوي لاتطحين وتنزلقين على الرخام هههههههههههه
هنوف:ههههههههههههههههههههههه ..تتكسرين ولاعاد تشوفين نواف
ريما:مو وقت تريقتكم اللحين


كان بمجلس الرجال جالس.دخلت ريما
ريما:السلام عليكم!!
نواف ابتسم لها وقام واقف:وعليكم السلام ..كل عام وانتي بخير يالريم..عساك من الي يعودهـ كل عام
ريما:وانت بصحة وسلامة..تفضل استريح
ريما جلست بعيدة شوي عن نواف
نواف قام من مكانة وراح وجلس جنبها واعطاها بوكية ورد جوري..
نواف:انا شفـت الزهـر مايل ظنـيـتـة يـنـاديـنـي
قطفته يوم ضـمـيـتـه لـقـيـتـه للأسـف ذبلان
عرفت انك زهر عمري وعرفت انك بستاني
وغيرك قيظ مايروي سراب يشفي العطشان
الجوووووري للجووووووووري

ريما:مشكور هذا من ذوقك ..
نواف كان معهـ كيس فيه صورة اطفال روعة..
نواف طلع منه علبة مغلفة لونها احمر وفيها قلوب ومكتوب عليها I Love You
ريما:وش ذا ؟
نواف:افتحيها..وهو يمد لهـا العلبة
ريما جلست تفتح فيه وهو يطالع في عيونها ..
فتحتة لقت ساعـــــــــة الجلد افعى لونها بنفسجي وفيه فصوص الماس
نواف:هاه وش رايك بذوقي؟
ريما:روعة..تسلم يدينك نواف والله ماني حابة اكلف عليك..
نواف:وش ذا الكلام ريوم..هذي عيدية يالغلا
ضحكت له
نواف: قادر الله يخلي ضحكتك من نصيبي
عاد لاجت منك ياكبـرها من هديه

ريما دنقت راسها
نواف:يوووووة خلاص بس ارفعي راسك
ريما:ههههههههه طيب
نواف: ايه كذا....يالله انا استئذن الحريم عندكم وشكلي حرمتك منهم
ريما:لا وين تو الناس..
نواف:والحريم؟
ريما لاشعورياً:كيفهم
نواف:ههههههههههههههه ياحظي يعني لذي الدرجة تحبيني؟
ريما سكتت (ياليتني ماقلتها اوف وش يفكني اللحين)
نواف:هاه تحبيني؟الريم ردي
ريما لون وجهها احمر من الفشيلة ماتدري وش تسوي
نواف:خلاص انا بروح زعلت عرفت انك ماتحبيني ابد..سألتك ولا تردين دليل اني ماني بغالي..
ريما: حـبي لك اكـبـر من جميع التـواصيـف
حبي لك اكبـر من كـلامٍ يقـالي
غــــلاي لك صافي ولافيه تــــزيـيـــــف
أصفى من الماء القراح الزلالي

نواف:ياحظي كل هذا لي ..ياربي..الريم فديتك يالغالية..صح لسانك عرفت قدري عندك..
ريما(ياربي وش الي انا قلته..ياربي فشلة وش بيقول عني..انا ملقوفة)
نواف:يالله انا اللحين بروح خلاص بعد ماسمعت هذولي البيتين توني احس بطعم العيد!!تبين شيء يالغلا؟
ريما:لا سلامتك
راحت توصلة عند الباب..بعدين تذكرت شي
ريما:نواف نواف استنى شوي لاتروح اللحين برجع لك..

دخلت البيت وراحت تركض لغرفتها وكانت مجهزة هدية (عيدية) لأنها متوقعة انه بيجيها ويعايدها...كان عطر اسمه "الزعيـم" رايق مغلفتة بازرق وابيض<الوان الهـــــلال ...وشال من الصوف هي مصلحته لونه ازرق وابيض وفيه رقم 9(سامي الجابر) علشان الجور بارد وشتاء..وهي كانت تحب التريكو(السنانير والصوف تحب تشتغل فيها سوت الشال لنواف) الشال روعة كلمة روعة ماتكفي كأنه جاهز مو هي الي مصلحتة

راحت عندهـ
ريما:عساني ماتأخرت عليك؟
نواف:لا ابد..وش ذا الي بيديك؟
ريما:تفضل هذي عيديتك..على فكرة ترى الشال انا مصلحته
نواف طلع الشال وتفاجاء
نواف:هذا انتي مصلحتة؟شغل يديك؟
ريما وهي مبسوطة:ايه وش رايك فيه؟
نواف:ماشاء الله عليك مبدعة وربي..تسلمين يالغلا والله روعة..تسلم هاليدين الي سوتهم(وهو ماسك يدها)ريما سحبت يدها بسرعة..
ريما: لاماسويت شي تستاهل اكثر من كذا..
نواف:عساني مانحرم منك..يالله في امان الله
ريما:الله معاك..

راحت عند الحريم..
العمة نورة:كان ماجيتي يمة ريما
ندى:ههههههههههه صادقه والله ام فيصل اشوفك جلستي عندهـ اكثر مننا
هنوف:وش ذا الكيس الي معاك
ريما:يالقفك ياختي
هنوف:وشو يالله ريوووووم تكفين
ام نواف:عيدية من نواف
ندى:حركا1111111ت والله ريموة
ريما:وش فيكم علي..ياربي منكم..
هنوف: اقول اعطيني الكيس
ندى:ياسلام بعد بوكية ورد..لا وجوري الاخ نواف يعرف انك تحبين الجوري؟
هنوف:اكيد زوج المستقبل لازم يعرف كل شيء
ريما:يمة شوفي لاختك هذي..عمتى نورة بالله سكتي بنتك ام لسانين..
ام نواف:هههههههههههه
ام ريما:ههههههههههههههههه اعصابك يمة
ريما:والله رفعوا ضغطي جاية مبسوطة نكدوا علي
ندى:ايه مبسوطة اكيد جاية من نواف
ريما:اوووووووة ندى اكرمينا بسكوتك
ام نواف: خلاص بنات اتركوا ريما بحالها
هنوف توطي صوتها وتهمس لندى:حتى الخالة تسكتنا علشان مرت ولدها زمن ريما تتحكم فينا
ندى:ههههههههههههههههههههه
ريما:شكلكم جالسات تحشون فيني؟
ندى:الي على راسه بطحاء يحسس به
هنوف:ههههههههههه
عبودي:ليما ثغلي لي طلطعان احنا عيد احب اثوف الوانها بالثما (ريما شغلي لي طرطعان احنا عيد احب اشوف الوانها بالسماء)
ريما:من عيوني على الاقل اشوى من الجلسة عند ندوووش وهنووفة
عبودي:هيه هيه ليما بتثغل لي (ريما بـتـشغل لي)
ريما:ياحياتي لذي الدرجة مبسوط..لبى قلبك

ريما جلست تشغل لعبودي هي وندى وهنوف..وبعدين جلست ريما وندى وهنوف يسولفون وتوريهم الساعة البنات انجنوا عليها وعرفوا ان نواف عندهـ ذووق..

جلسوا الى الساعى 11 ونص بعدين راحت ام فيصل وهنوف وعبودي..وجلسوا شوي وجاء السواق واخذ ام نواف..وجاء تركي واخذ ندى الساعة 2 باليل..

: : :

جــــــت الاختبارات منتصف السنة (الشهرية)وريما ذابحة نفسها بالمذاكرة ماتنام الليل ..تواصل تذاكر تتعب ..آخر يوم للاختبارات كان بكرى وريما تذاكر في غرفتها كان عليها مادة النحــو


ام ريما:ريوم حبيبتي خذي العصير فريش علشان تصحـصـحين
ريما باست يدها:عساني مانحرم منك!!اووة احس نفسي طفشت من المذاكرة
ام ريما:يمة هانت بس بكرى..وبعدين انتي ثالث وبحاجة النسبة
ريما:صح والله..
ام ريما:يالله انا بطلع اخليك تذاكرين
ريما:اووكي


طلعت ام ريما برى الغرفة..وريما طرى على بالها نواف ..ريما بينها وبين نفسها(ياربي ليش ماتصل عليه؟ يدري اني اختبر كان يتطمن علي..يسئل وش سويت باختباراتي!! مابعد العيد ماتصل ولا شفتة..حتى لو كان مشغول المفروض ماينشغل عني يعني مكالمة 5 دقايق ماراح يخسر شيء)

استلمــــــت ريما التقرير (نتيجة منتصف السنة الدراسية) واخذت 99,25% وطا11111111رت من الفرحة وراحت تبشر امها وابوهــــــــا..دخلت البيت ولقت ابوها يقراء الجريدة بالصالة وامها فوق بغرفتها..
ابو ريما:هاه بشري كم جبتي؟
ريما:يبه تسع وتسعين وربع !!
ابو ريما:مبروووووووووووك الف مبروك يالغالية

ام ريما سمعت صوت ريما وجت تركض من غرفتها وهي على الدرج
ام ريما:كم؟
ريما:يمة تسع وتسعين وربع
ام ريما:لولولولولولولييييييييييييييييييييش..الف مبروك يمة وعقبال ماتجيبينها بنهاية السنة
ريما:الله يبارك فيكم..نفسي اطير من الفرحة..ياربي لك الحمد والشكر
ام ريما:بهذي المناسبة راح اعزم خوالك كلهم يتجمعون عندنا الليلة وبنسوي لك حفلة!!
ابو ريما:تستاهل الغالية..
ريما:صدق يمة!! فديتك والله..يالله بروح انوم دايخة تكفون لحد يصحيني من بداية الاختبارات مانمت زين!!
ابو ريما:نوم العوافي ..وابشري محد راح يصعد فوق علشان مايزعجونك هاه وش تبين بعد؟
ريما باست راسه: الله يخليك لي يارب!!


صعدت ريما غرفتها وبدلت مريول المدرسة ولبست بجامة وحطت راسها ع السرير وبعدين لقت جوالها ع الكومدينة راحت تبي تقفلة علشان محد يزعجها وهي نايمة..وتفاجأت 5 مكالمات لم يرد عليها ..ريما افا111111111 خمس مكاالمات؟؟

3>نواف
1>ندى
1>هيفاء بنت خالتها هند

ريما(ماراح اتصل على نواف فشلة اقوله وش تبي!!..اما ندووش الليلة بشوفها ان شاء الله..وهيوفه اتصل عليها اذا قمت مالي نفس د11111يخة)
حطت راسها على المخدة بتنام ..ويرن جوالها وتقوم (ياربي مين ذا المزعج بنا111م)مسكت جوالها



نواف..يتصل بك
على طول ردت<لاشعوريا!..
نواف:الوووو,هلا وغلا الريم
ريما:هلا فيك
نواف:شخبارك؟
ريما:تمام.انت كيفك؟
نواف:دووم ان شاء الله..انا بخير..وشلون اختباراتك؟هاه بشري كم النتيجة تراني متحمس!!
ريما زين تذكرت : ايه كويسة اختباراتي وجبت 99,25%
نواف:مبررووووك ماشاء الله ..اساساً انا كنت متطمن عليك..واثق انك راح تجيبين نسبة مضبوطة..ترفعين روسنا فيها..
ريما:الله يبارك فيك..والحمد لله ..الله يعطي الواحد على قد تعبة
نواف:ايه انا ماحبيت اكلمك فترة الاختبارات اخاف اشغلك وازعجك..واعطلك عن دراستك!!
ريما:اها111111..لامعليش عذرك معاك..الا تعال وش صار على محمد كم جاب؟
نواف:لا ماشاء الله عليه..100% ايه هذا الترم الاول بس شوفيه اذا جت اسئلة الوزارة وش بيسوي؟
ريما:ماشاء الله الف مبروك..لا الواحد اذا كان شاطر وذاكر زين ان شاء الله راح يحل اسئلة الوزارة..
نواف: ايه فكينا من محمد..حبيبتي ..من زمان ماشفتك؟ والله مشتاق لك حيل..متى اشوفك؟ابي اقابلك
ريما مستحية: تسلم..
نواف: الريم ..ابي احاول اقابلك بأي طريقة..نفسي اجلس معاك..واسولف..لو تعرفين اش قد مشتا111111ق لك
ريما:هههههه يعني كيف تقابلني بأي طريقة؟
نواف: مدري ان شاء الله اسوي مثل الي بالأفلام اوقف عند نافذة غرفتك واجيب معاي وردة وارميها..وبعدين يطلع عمي فهد وهو معصب :نواف وجع وش عندك بانصاف الليالي واقف هنا؟
وانا اهرب واركض علشان مايذبحني!! ههههههههههههه
ريما:هههههههههههههههههههههههههه ..متأثر بالافلام وربي!!
نواف:ههههههههههههههههههههههههه ..يالله حبي اتركك ترتاحين..نامي عدل اوكي!!
ريما:اوكي..يالله مع السلامة
نواف:مع السلامة

: : :

ريما مبسوطة ونامت على طول وهي تفكر بنواف ومكالمتة..جت الساعة 7 المغرب ويطق باب غرفتها بقوة
....:طق طق طق طق طق طق!!
ريما:ابي انوم اتركوني
. .. .: طق طق طق قوووووومي والله ماتركك
ريما:مين يطق الباب..؟
...:ماعرفتي صوتي يالسخيفة
ريما:ندوووش؟
ندى:ايه ندى على سن ورمح
ريما:جدتي هياء فيه؟ وتروكي فيه؟
ندى:الكل تحت..يالله تعالي يكفي نووم
ريما:اووكي دقايق وان شاء الله نازلة

اخذت شاور سريع..ولبســـــت بنطولون جينز وبلوزة هاي نك لونها فوشي ومرسوم عليها صورة بنوتة صغيرة بالذهبي..وشبشب و(انتوا بكرامة) لونه فوشي وفيه نجوم صغار بالذهبي..ورفعت شعرها وحطت جلوس وتعطرت ونزلت..

نزلت وسلمت عليهم وباركوا لها..جلست جنب خالها تركي
ريما:خالي وش صار على اختباراتك؟بشرنا؟
تركي:الحمد لله سويت الي علي وان شاء الله خير!!
ريما:طيب متى تخلص؟
تركي:الاحد الجاي راح اخلص وارتاح
ريما:مسكين اجل انا خلصت وارتحت
تركي:هههههه يعني تقهريني انتي وجهك؟
ريما:تقدر تقول كذا ههههههههههه
تركي:ههههههههههه
ندى:هاه وش عندكم تضحكون؟
تركي:وش دخلك انتي اذن عندنا واذن عند امي وسلمى؟
ريما:ههههههههههههههههه
ندى:بسم الله علي منكم..
تركي:يالله قوموا بنتمشى
ريما:ياحياتي والله مشكوووووور يالغالي
ندى:لحظة بروح اجيب عباتي وارجع
تركي:ومن قال انك بتروحين؟
ريما: لقطي وجهك ههههههههههههههههههههه
تركي:ههههههههههههههههههههههه
ندى:ماشاورتكم بروح يعني بروح غصب عليكم
تركي:ومين يبي يسوق فيك؟
ندى:انت!!
تركي:ماشاء الله
ريما:خلاص خالي معليش علشاني بما اني نجحت حرام خليها تروح
تركي:ايه صح تكسر الخاطر
ندى عصبت:اووووووووة منكم لاترفعون ضغطي!!
تركي:يالله يمة انتي وسلمى خلينا نتمشى..
ام ريما:ايه يالله يمة قومي بنتمشى..ونتعشى برى وش رايكم؟
الجدة هياء:والله اني ماحب اكل المطاعم الي برى
ريما:لا جدتي تكفين راح يعجبك وعلى ضمانتي!!
الجدة هيا:علشانك ياريومة بروح
ريما:ياهووووووووووووة ..باست راس جدتها:فديتك والله!!

طلعـــــوا يتمشون وبعدين راحوا تعشوا في فندق الفهد كروان ..وانبسطوا..

ريما:خالي تركي تكفى مر فينا بمحل تشيز كيك فكتوري..ابغى اشتري تورتة بمناسبة النجاح
ندى:لو سمحتي خليها بنكهة الفراولة
تركي:طرار ويتشرط ههههههههههههه
ريما:والله انك ماكذبت ياخالي هههههههههههههههههه
نزلت ريما هي وتركي وندى واشتروا كيكة كبيررررة وبعدين رجعوا للبيت..وجلسوا بالصالة

الخدامة:مدام ..ام عبد الرحمن فيه اتصل عليك انت..انا فيه كلام روح!!
ام ريما:طيب ثانك يو..ابي اروح اشوف وش عندها!!
الجدة هياء:سلمي لي عليها..وعلى امها
ام ريما:يوصل!!

كلمتها ورجعت للصالة..
ريما:وش تبي خالتي ام عبد الرحمن؟
ندى:ياانك فضووولية..
ريما:وش دخلك انتي..؟هاه يمة وش تبي؟
ام ريما:تقول انها عازمتنا بكرى باستراحتهم بمناسبة نجاحكم
ندى:كم جابت هنوووفه؟
ريما:ايه صح هنوف جابت 98% وسألت نوف عن عبد الرحمن تقول 100% هو ومحمد ولدعمي سعود
تركي:ماشاء الله كلهم علمي؟
ندى:لا بس هنوف ادبي
تركي:ومن ذي هنوف الي بس تتكلمون عنها؟وغثيتوني فيها؟
ندى:بنت عمت ريما..بنوتة مثل القمر
تركي:انا ماقلت لك وش مواصفاتها..!!
ريما:ترى ندووش تحب اللقافة..
تركي:هههههههههههههه صادقة اللقافة تسري بدمها!!
الجده هياء:هنوف هذيك الطويلة الي مع ريما..بنت نورة؟
ام ريما:اييه يمة هذيك هي..
الجده هيا:ماشاء الله مملوحة ذيك البنية
ندى تطالع لتركي وتبتسم
تركي:وش فيك؟خير تلفزيون؟
ندى:بسم الله اكلتني
ريما:ههههههههههههههههههههه هو صادق جالسة تطالعين فيه كانك اول مرة تشوفينه!!
تركي:ههههههههههههههههههههههههه
ندى:وش فيكم اتحدتوا ضدي؟
ريما+تركي:ههههههههههههههههههههههههه


الجدة هياء:يالله ياتركي خلينا نمشي الوقت تأخر وفيني النوم..وموعد علاجي
تركي:يمة كم مرة قلت خوذي معاك الدواء..
الجدة هياء:والله انسى ياوليدي
ام ريما:والله تونى الساعة 12 وين تروحون؟
ريما:تكفون اجلسوا..
ندى:لا اساساً انا زهقت منك ههههههههههه
ريما:من زينك انا ماقصدك اقصد امي هيا وخالي تركي ههههههههههه
الجدة هيا: من المغرب واحنا عندكم!! وبعدين موعد العلاج
ام ريما:براحتك يمة..
تركي:مع السلامة
ريما:مع السلامة..وصلوهم عند الباب وراحوا

ريما:يمة متى نروح بكرى؟
ام ريما:العصر على الساعة 4ونص تقريباً
ريما: اييييه وناسة مابعد العيد ماشفتهم!!
ام ريما:عاد نومي عدل..علشان تقومين بسرعة ونروح ترى دايماً نتأخر والسبب انتي
ريما:هههههههههههه ابشري من عيوني يالغالية


من بكرى..ريما تجهزت وكانت مبسوطة انها بتشوف البنات من زمان عنهم..وراح تقابل الغالي نواف.. لبست بنطلون اسود وبدي اسود فيه نقشات بالابيض وجكيت قصير اسود جلد يلمع وعلى الاكمام خطوط طويلة على امتداد الاكمام بالابيض ومع قدام مفتوح<سبور
شعرها ربطته بشرايط لونها اسود وابيض مخمل.ولبست وانتو بكرامة بوت جلد طووويل يلمع وفيه سلاسل نازلة منه....وكحل داخل العين اسود و جلوس

وصلوا الاستراحة العصر ريما وامها وابوها .. الكل كان موجود..

راحت ريما وامها قسم الحريم ..وابوها عند الرجال بالقسم حقهم ..
سلموا عليهم والكل يبارك لريما بمناسبة النجاح وخصوصاً ام نواف<شغل الحموات هههههههه
هنوف:اهلين ريوم مبروووك النجاح
نوف:مبروك ياريومة
ريما:الله يبارك فيكم..وانتم بعد الف مبروك نجاحكم..
جلسوا يسولفون ماتركوا شيء ماتكلموا فيه ...اذن المغرب وراحوا يصلون..
عبد الرحمن اتصل على نوف
عبد الرحمن:الو نوف؟
نوف:هلا..وش تبي؟
عبد الرحمن:بالله جيبي لي مويا عطشان..
نوف:ياسلام مالك رجلين وبعدين فيه مويا عند الرجال روح اشرب
عبدالرحمن:تكفين نوف..عجز11111111ن ولك الي تبين..
نوف:الي ابي اكيييييد!!
عبد الرحمن:اكيد الاكيد
نوف:طيب ابي الاشرطة حقتك..عندك طقاقات؟
عبد الرحمن:افا عليك عندي اي شي تبينه بس جيبي لي مويا
نوف:طيب دقايق واكون عندك بس خلك برى..مو عند الرجال..

راحت نوف وجابت له مويا وفجأة طلع بوجهها محمد!<ماعليها جلال لانها كانت بتشوف اخوها
محمد وقف يطالعها..وعرف انها نوف..اعجبته بالحيل..ابتسم لها <روعة ابتسامتة
نوف على طول دخلت..وكانت فرحا111111نة
عبد الرحمن طلع وشاف محمد واقف مكانه
عبد الرحمن:يالحبيب وش عندك واقف؟
محمد ارتبك:هاه لا بس كذا
عبد الرحمن:ياربي يانوف النصابة قالت بتجيب لي ماء ولا جت
محمد:الا كانت من شوي هنا وراحت
عبد الرحمن:كيف؟
محمد:لا بس يوم شافتني على طول دخلت
عبد الرحمن :ايه اشوى احسبك جلست تسولف معاها ..اعرفك انت فاصخ الحياء
محمد:ههههههههههههه حرام عليك

نواف طلع وهو فيصل يتمشون بالحديقة ويسولفون ..
فيصل:وش اخبار الشغل مع ابوك؟
نواف:الحمد لله ماشي الحال..وانت عساك مرتاح مع عمي فهد بالشركة؟
فيصل:ايه ياربي لك الحمد..عيني نائب المدير وصرت الكل بالكل
نواف:ياحركا11111111111ت..
فيصل:اقول بعد بكرى مباراة الزعيم لاتنسى بنروح للملعب
نواف:ابشرر بعزك..الذيب يلعب وانا ماحضرها..افااااا والله....
فيصل:والله حماس بكرى ضد النصر وان شاء الله الفوز لنا
نواف:اييه لاتخاف على الزعيم..اذا لعب الهلال فخبروني فإن الفن منبعة الهلال
فيصل:صح لسانك ملايين...اقول من راح يكون الحارس سمعت ان عميد لاعبين العالم الدعيع مصاب؟
نواف:لا الحارس جديد اسمه فهد الشمري من نادي الطائي بحايل...توهـ جاي للهلال
فيصل:ونعم والله بشمر..واهل حايل
نواف:اسمع بكرى كلنا مع الشباب ومحمد اخوي وعبد الرحمن العصر بنروح للملعب..
فيصل:ابشر..وان شاء الله بنرجع واحنا رافعين روسنا لان الهلال ماعتقد يخيب ظن عشاقة..
نواف:ان شاء الله..



الجوكان بارد وكانوا يتمشون بالحديقة وهم يسولفون..فجأءة وقف نواف
فيصل:وش فيك وقفت؟
نواف:جوري..
فيصل:هاه شكلك مصخن تعبان؟
نواف:لاهذا ورد الجوري الريم تحبة..ابي اخذ لها وحدة
فيصل:هههههههههههههههههههههههههههه الريم تحبهـ..هههههههههههههه
نواف:اقول اسكت مو وقت تريقتك
فيصل:شف هذي الوردة كبيرة مرة خذها لحرمك المصون
نواف:ههههههههههه حلوة ذي حرمي المصون
قطعها نواف وكانت جوري كبيرة لونها وردي..فيصل رجع للرجال ونواف راح لقسم الحريم علشان يسلم على ريما ويعطيها اياها..

نواف دخل جوا قسم الحريم بالصالة..والحريم كانوا بالمجلس..وتدخل عليه هنوف(مسكينة ماتدري انه موجود)
نواف قام من مكانة... الهنوف جمدت ولا تحركت من الخوف والصدمة..نواف(آهـ ياهنوف وش جابك اللحين..احاول انساك رجعتيني لأول..احبك ياهنوف وربي احبك!!كيف اعطي ريما الوردة وانا تفكيري معك اكيد بتحس فيني وبتشك!!)..الهنوف وقفت من الصدمة ماتحركت..
نواف:هنوف خذي الوردة ذي واعطيها ريما
مد يدهــــــ لها...ريما دخلــــــت عليهم وشافت نواف يعطي هنوف الوردة ..نواف انصدم..وهنوف (ياربي وش ذي المصيبة!! انا وين ابي اروح للصالة اووووووف ..لاو ريما دخلت بعد!!ياربي استر!!)
نواف لاشعورياً:ريما1111111111
ريما مصدومة نزلت دموعها بمرارة وهي تناظر للموقف تمنت الارض تنشق وتبلعها ولا تدخل عليهم..
ريما:آسفة شكلي دخلت غلط..!!طلعت وهي تبكي
الهنوف راحت تركض وراها:ريما ريما وقفي..!!استني
نواف جلس على الكنبة وكان متضايق..انا وش سويت..ياربي..اللحين ريما وش بقولها!!والهنوف كيف بنساها..والله احبها

: : نواف كان جالس على الكنبة من الصدمة وكان يقول بينه وبين نفسه
ليتني ماشفت في عينيك دمـــوع
منظر الدمعه علـى خدك هـلاك
يامضوي في دجى عمري شموع
الحزن ماخلف لعيون المـــــلاك


ريما كانت تركض ماتبي احد يشوفها وهي تبكي..!!وش تقولهم شافت نواف مع هنوف؟راحت للحمامات (والي يقرون بكرامة)وهي تبكي..هنوف وراها تركض
هنوف:ريما ريما افتحي الباب اطلعي!! ابي افهمك الموضوع لاتظلميني تكفين
ريما:وش اظلمك.؟انا من زمان اقولكم ان نواف يحبك ان ت ي ..انتي وبس آآآآهـ(المسكينة تبكي مثل الاطفال بكاء يعور القلب ويقطعه)
هنوف:ريوم اطلعي مو زين تبكين بالحمام!!
ريما تذكرت بيت القصيد الي يقول: لاتزيد طعوني اوجعت الخناجر
مابقى عرق بقلبي ماثنيتة
لو عيوني غيم واهديك المحاجر
ماضمى رمشك تحت دمع بكيتة


هنوف اتصلت على نوف الي كانت عند الحريم..علشان مايحسون بشيء
هنوف:هلا نوف اسمعي لاحد يدري اني جالسة اكلمك اوكي
نوف:هلا بك..هاه وش تبين؟
هنوف:الحقي علينا صارت مشكلة بين ريما ونواف
نوف منفعلة:نعـــــــــــــــــــم؟<الحريم لاحظوا عليها
هنوف:بسرعة تعالي انا بالحمامات وعيت ريما تطلع معاي..تكفين تعالي..
نوف:ان شاء الله..باي

نوف جت تركض لهنوف بالحمامات
نوف:هاه وش صار؟..
هنوف:على حطة يدك ماتبي تطلع عجزت عنها!!

هنوف قالت لنوف الموضوع بالتفصيل وان ريما ظالمتها !!..
نوف:ريوم افتحي الباب مايصلح تبكين بالمكان هاذا اطلعي..
هنوف:والي يسلمك اطلعي..ترى اذا ماطلعتي لاعرفك ولاتعرفيني !!
ريما فتحت الباب وطلعت وكانت عيونها مليانه دموع وحمرر..ومعاها منديل<شكلها يوحي لأي احد يشوفها انها تبكي

ريما: هنوف ليش كنتِي واقفة معاه؟ابي تفسير للموضوع..!!ابي شيء يطمن قلبي تكفين(مسكت يدها)والله اذا كنتِي تحبينه بتركة مابي ارتبط بواحد يفكر بغيري!!انا تعذبت معاهـ ارحموني!!

هنوف بعصبية:وش كلام البزارين هذا؟انا افكر بنواف انجنيت او طار عقلي علشان افكر فيه..مافكرت فيه قبل لايرتبط فيك..اجي اللحين وافكر فيه وهو مرتبط باعز انسانة على قلبي!!ريما مستحيل افكر فيه او احبه .. واقسم بالي خلقني اني اعتبرة مثل اخوي فيصل من كنت صغيرة هو واخوي فيصل مع بعض ينامون مع بعض وماعتبرة غير اخوي!!!!ولاسيما انك تحبينة من يوم كنتِي صغيرة..يعني من كنا صغار وانتي تعرفين اني مافكر فيه والكل عارف ان ريما لنواف ونواف لريما.. واجي الحين يوم كبرنا آخــذه منك والله لو انا انسانة وقحة!!وبعدين وش تتركينه ماتتركينه هو لعبة ينلعبة؟

نوف:لا تستسلمين ريوم..انتي قوية واحنا كلنا عارفين هالشيء بس انتي امسكي اعصابك وطولي بالك ..ونواف ماقد سمعناهـ قال احب هنوف او ابي الهنوف ..لو كان يحب هنوف مارتبط فيك ولافكر فيك خلاص انتي ملكتي قلبهـ كيف يفكر بغيرك؟؟وش ذا الهبال؟

هنوف:ريما حبيبتي..الوردة الي اعطاني اياها كانت لك..
ريما:كيف كانت لي وهو مد يده واعطاك اياها شوف عيوني!!

هنوف عصبت منها:اقووولك لاتقاطعين كلامي!! اول ماشافني ارتبك ولا سيما اني مو متغطية عنه ولاني لابسة جلال وانا جمدت في مكاني هو ارتبك يبي يطلع من الصالة بأي طريقة مد الوردة لي وقالي اعطيها ريما فجأءة دخلتي انتي ..
نوف:وش ذا التفكير الهمجي ريما! والله الهنوف لها الحق تزعل عليك مو انتي تزعلين عليها ..
ريما راحت بحضن الهنوف:آسفة هنوف وربي اني مادري وش اقولك..متفشلة منك..بس اعذريني تكفين اني ظنيت فيك كذا..تكفين لاتزعلين مني..والله ماستحمل زعلك انتي بالذات <<جلست تبكي
هنوف:كيف ازعل من اختي؟خلاص ريما مابي اشوف دموعك ولابزعل ترى..
ريما تمسح دموعها:الله لايحرمني منك!!
نوف:احم احم نحن هنا
ريما راحت وباست نوف:وانتي بعد!!الله يخليكم لي..


رن جوال الهنوف طلع فيصل
الهنوف:هلا..
فيصل:اقول ريما عندك؟
الهنوف:ايه ..ليش؟<استغربت من سؤاله
فيصل:فهمتيها الموضوع زين!!
الهنوف:اي موضوع<ماكانت تدري انه عرف بالسالفة من نواف
فيصل:وش ذا الغباء اقولك موضوع نواف والوردة!!
الهنوف:ايه اشوى تفهمت كل شيء..
فيصل:بالله خلي ريما تجي بسرعة
الهنوف:وين تجي؟
فيصل:نواف بسيارتة من طلع من عندكم ماجلس عند الرجال وهو متضايق ومعصب وشكلة تعبان بالمرة انا خايف يطيح علينا لانه وجهه مو طبيعي بسرعة خليها تجي!! لانه رافض يكلمني....وانا عارف انه مافيه غيرالله ثم ريما الي تخلية طبيعي...انا بروح للرجال علشان مايعرفون بالموضوع ..انتي تعرفين لو دروا بالسالفة وش يبي يصير..واحنا مو ناقصين
هنوف:افا11 مسكين والله.. طيب خلاص وحتى احنا بنقولها ونروح للحريم..باي

ريما:وش فيه فيصل؟
هنوف:ريما نواف تعبان بالحيل وفيصل خايف عليه لا يطيح عليهم حالته مو طبيعية يقول خلي ريما تروح له!!
ريم والعبرة تخنقها: انا السبب ياربي هو وينه؟
هنوف:بسيارتة
ريما:انتم روحوا للحريم انا بروح عندهـ بسرعة يالله تحركوا
هنوف ونوف راحوا للحريم وكانت اعصابهم مشدودة ومتوترات..
ام ريما:بنات وين ريما؟
نوف بإرتباك ملحوظ:هاه..
هنوف بترقع السالفة :لا ريما راحت عند عبودي ومها فوق تلاعبهم
ام عبد الرحمن:ياحليلها ريما تحب البزارين ماشاء الله عليها
العمة نورة:انتي شوفي عبودي كل سوالفه بالبيت عنها
ام عبد الرحمن:لا تهون مها بس تتكلم سوت ريما قالت ريما
ام نواف:ايه طيبه ريوم فديت قلبها!!
ام ريما:ريما تحب البزارين اللحين بالتلفزيون اذا شافت اطفال تنجن عليهم
هنوف تهمس بإذن نوف علشان مايسمعونها الحريم:يووووووووة نوف رووحي عند عبودي ومها اخاف يدخلون ويفضُحون فينا يقولون وينها ريما هم مايصبرون عنها..واحنا كذبنا على الحريم..
نوف:ايوالله انك صادقة انا بروح احشرهم فوق ..اتصلي علي اذا جت ريما علشان ادخلهم
راحت نوف عند عبودي ومها الي كانوا يلعبون بلاي ستيشن بغرفة عبد الرحمن..جلست نوف عندهم علشان ماينزلون تحت للحريم وتنكشف خطتهم!!وهي واصلة حدها ماتحب تجلس عند البزارين يرفعون ضغطها!!

برى بالحديقة طلعت ريما بالحوش وهي تركض وكانت تقول بينها وبين نفسها(نواف تكفى سامحني..شكيت فيك..والله ظلمتك ..واللحين انت تعبان بسببي ياربي ساعدني!!) الرجال مدخلين سياراتهم جوا بالحديقة فيه parking "مواقف" ونواف كان راكب سيارتهـ ومرجع المرتبة وراء ومنسدح عليها ويفكر بريما111111
ريما وقفت على النافذة عندهـ..ماحس فيها كأنه في غيبوبه من التفكير بالي حصل له اليوم..الجو كان بارد بالمرة ريما حست بالبرد فتحت الباب حق السيارة وركبت قدام(تخيلوا ماقد ركبت قدام الا بطلعة الروح ولازم الكل يترجاها واللحين تركب قدام عند نواف)
ريما بصوت ناعم وهي مبتسمة له ابتسامة تجنن: نواف..الي ماخذ عقلك يتهنى
نواف قمز من مكانه مو مصدق عيونه:ريما..انتي هنا؟
ريما:ههههه ايه هنا!ليش وش فيك؟ ماتبيني اركب بسيارتك؟بس ماعلي منك انا راكبة سيارة زوجي
نواف:اكيد هذي ريما الي جنبي؟ انتي تقولين لي هالكلام لا مو معقوله اكيد انا بحلم
ريما:ههههههههه ايه الريم بشحمها ولحمها
نواف: بالله اعطيني فرصة مو مصدق عيوني!!
ريما:لا صدق هههههههههه
نواف بصوت جاد:ريما ..فهمتي الموضوع؟؟؟انا والله ماكنت اقصد........
ريما قطعت كلامه:خلاص نواف الي فات مات..وانا عرفت كل شيء
نواف:يعني مو زعلانة؟
ريما:شلون ازعل عليك؟
نواف مسك يدها يبي يبوسها
ريما: ستوب الى هنا وبس!!
نواف:هههههههههه عسى تسلمين لي وتبقين لي يالغلا كله..
ريما:ايه اضحك..والله الدنياء ماتسوى..
نواف:الله لايخليني منك..وربي مبسوط للآخر ..ودي انط فوق السيارة واقول للعالم كلة تعالوا شوفي الريم جالسة جنبي!!
ريما:ههههههههههههههه مجنون والله!!
نواف:ايييه مجنون بحبك..انا اكبر مجنون اذا كان حبك جنون
ريما استحت وتقطعت من الحيا111111
نواف:يوة بدينا نستحي!! ماقلت شيء غلط انا!!
جلســــــوا وكل واحد ساكت نواف مانزل عيونة من ريما كان يطالع فيها وهو(ياربي اش قد احب ذي الانسانة)ريما منزلة راسها تحت..بعد مرور خمس دقايق الجو هدوء وسكون..رفعت ريما راسها وحطت عينها بعينه ..ابتسم لها ..ريما تشققت من الحياء ومع كذا ذابت على نظراتة وابتسامتة العريضة ..
ريما: وش رايك تقوم تتعشى؟
نواف:مابي العشاء دامه يحرمني شوفة عيونك
ريما:لاعاد انا مايهون علي تجوع والسبب انا
نواف:آهـ على قلبك الطيب..
ريما:يالله انزل عا111111د شكلك مطول؟
نواف:الود ودي اجلس الليل كله اطالع فيك!!
ريما:ههههههههه قوم عاد
نواف:تامريني آمر انتي
ريما:تسلم..
نزلت ريما هي ونواف من السيارة
نواف:الاعلى فكرة من قالك اني هنا؟
ريما:قلبـــــــــــــي!! ابتسمت له وراحت للحريم
نواف: ياحياتي والله ياريما..شوي شوي على قلبي أنا!!
رجع نواف للرجال وهو مبتسم ابتسامة عرييييييييضة
نواف:السلام عليكم
الجميع:وعليكم السلام
فيصل كان مبسوط من قلب يوم شاف نواف مبتسم
فيصل:هلا وغلا بابو سعود
نواف:هلا بك يالغالي
ابو عبد الرحمن:وينك يانواف ماشفناك اليوم
محمد: من شاف احبابة نسي اصحابة
عبد الرحمن:ههههههههههههههههههههههه
ابو نواف:محمد وجع..وش هالكلام؟استحي
نواف:ياطول لسانة هالولد..يبي له قص!
ابو ريما:وش فيكم عليه..ماقال شي غلط صح يامحمد
محمد:عشت والله ياعمي..يحيى الحق
ابوريما:هههههههه
فيصل يهمس باذن نواف:هاه وش صار؟
نواف:والله يافيصل هالريما كل يوم احبها اكثر من الثاني
فيصل:الله يوفقكم..انت تستاهل كل خير..
نواف:تسلم والله ياخوي..
رجعت ريما للحريم
ريما:السلام عليكم!!
الكل:وعليكم السلام
العمة نورة: عساهم مازعجوك ياريما هالبزارين
ريما وعلامة استفهام على وجهها:هاه؟
هنوف غمزت لها وهزت براسها يعني قولي لا..
ريما فهمت على طول
ريما:لاوالله وش حليلهم..يالبى قلوبهم
ام عبد الرحمن:ومها لايكون تعبتك بنتي واعرفها!!
ريما:لا مهويه تعبها راحة..
اتصلت هنوف على نوف وقالت لها تنزل!!
نزلت نوف ودخلت على الحريم وجلسوا الحريم بالمجلس والبنات طلعوا بالصالة..<علشان ياخذون راحتهم بالسواليف!!
ريما حكت لهم وش صار..والبنات انبسطوا على حركة ريما لنواف..بعدين جاء وقت العشاء راحوا تعشوا البنات..ويوم جت الساعة 12 بالليل راحوا الكل للبيت.....

: : :من بكرى اتصلت رشاء على ريما
رشا:الوووو شخبار حرم نواف
ريما:هههههههههه بخير..اانتي كيفك؟
رشا:تمام التمام!!
ريما:دوم ان شاء الله
رشا:شخبار نواف؟
ريما:بخير..تصدقين من بعد امس ماكلم ولاسمعت صوتة
رشا:لعنبو ابليسك امس وهو متصل عليك..الا على فكرةهلالي؟
ريما:اييييييييييه وبعد هلالي صميم
رشا:اجل اكيد مشغول باله بالهلال
ريما:لاياشيخة مافيه احد يشغل باله غيري..ايه صح هو قالي انه يبي يروح للملعب
رشا:وش ذي الثقة ياهوووة..وش رآيك نروح للملعب؟
ريما:ههههههههه عز الله ان البنت انهبلت
رشا:ماعليك انتي بس البسي ملابس عيال وارفعي شعرك والبس كاب وشال محد يبي يعرف انك بنت
ريما:هههههههههههههههه
رشا:ياربي وانا كل ماقول شي جلستي تضحكين
ريما:اكيد بضحك من هبالك..
رشا:لاتلوميني ..والله من بعد امس ماوقفتني معلمة الكيمياء طول الحصة برى والي طالع والي نازل يناظرني والله تفشلت ولقطت وجهي..
ريما:هههههههه تستاهلين اجل احد يسوي سواتك؟!!
رشا:وش فيها يعني حبيت امزح معاها
ريما:احد يمزح ويجب لعبة فارة وولا وتشغيلنها بعد!!يوم مرت من بين رجولها وربي خفت تنهبل المعلمة..
رشا:ههههههههههه ذكرتيني يوم قمزت فوق الكرسي والله قمزتها خطيرة تصلح تلعب في القفز على الحواجز...
ريما:هههههههههههههههههههههههههههههههههههههههه ه والله انك مو صاحية!!
ريما:اقول رش رش<آخر دلع
رشا:هلا
ريما:انا رحت اشتريت لنواف علبة شاكلت..لونها ازرق وابيض وبعدين حطيت تمثال يلمع على شكل هلال رووووعة!! ابي اعطيه اياها ان شاء الله اذا فاز الزعيم
رشا:هههههههههههههههه .طيب اذا خسر؟وش ذي الثقة
ريما:فال الله ولافالك..بعدين مالها الاهلالهـــــــــا
رشا:لا بحد فكرتك خطيرة..واكيد راح يتجنن عليها..من قدك يانواف ريوم تدلعك
ريما:يمة ياقلبـــــــــــــــي!!
رشا:قلبي يالي مابعد ذاق للراحة طعم عاشوا يالله وراء
ريما:هههههههههههههه
رشا:هههههههههههههه اقول ريوم امي تناديني يالله تبين شيء؟
ريما:سلامتك..مع السلامة
رشا:مع السلامة

: : :

الليلة مباراة الهلال والنصر..العصر جت نوف عند ريما ..
ريما:اقول فوفو حبيبتي وش رايك ندعي هنوف وندى؟تسهرون عندي نتابع مباراة الزعيم!!
نوف:والله فكرة ممتازة يالله قومي اتصلي على ندى..
ريما:طيب...
راحت ونزلت التليفون.الي كان على الطاولة بالصالة..وهي جالسة على الارض هي ونوف يتابعون التلفزيون..رفعت السماعة واتصلت وردت عليها ندى
ريما:ندوووش مراحب
ندى:هلا ريووم وش عندك متصله على العصر!!
ريما:كيفي عصر مغرب..اقول البنات عندي وراء ماتجين .؟
ندى:نوف وهنوف عندك؟
ريما:نوف ايه..بس هنوف ابي اتصل عليها
ندى:اوووكي ابي اروح الحق على تركي علشان يوديني قبل لايروح للمباراة
ريما شهقت:اهــــــــــــــــــئ خالي تركي بيروح للملعب؟
ندى:بسم الله عليك..ايه يبي يروح
ريما:ياسلام والله ان خالي خطير هلالي بالحيل..ياليت لو اروح معه البس ثوب وشماغ
ندى:اقول فكينا انتي وخرابيطك ابي اروح امكنهـ قبل لايطلع ويتركني وابتلش بعمري مين يوديني با111111ي..سكرت الخط
ريما:ياربي من ذي البنت مطيووورة بالحيل
نوف:هههههههه بس تحفة!!
ريما:ابي اتصل على هنوفه
نوف:نصيحة اتصلي على جوالها..اللحين 100% تليفون بيتهم مشغول شابكته الأخت ع النت..
ريما:والله انك صادقة..اسرع لي ع الجوال..

ريما:هلا وغلا هنوف
هنوف:هلا بك
ريما:على النت؟
هنوف:ايه ..روعة جالسة اشوف موديلات رهيبة!!
ريما:احلفي وين اي موقع؟ومين المصمم؟
نوف:ياربي منك اللحين قولي لها الموضوع يبي يروح الوقت!!وبعدين تكلموا بالموديلات
ريما:اقول اللحين نوف عندي وندوش بعد شوي راح تجي .تعالي خلينا نستانس ونسهر على مباراة الهلال..!!
هنوف:بس فيصل راح من زمان للملعب..مين بيوديني
ريما:ايه صح فيصل راح مع نواف..قالي نواف انهم بيروحون العصر!!طيب تعالي مع السواق
هنوف:سواقنا طلع مع امي وعبودي للسوبرماركت
ريما:اييييييييييييه..اخلي ندى تمرك وتعالوا سواء !!هاه وش قلتي
هنوف:مين راح يوديها؟
ريما:السواق
هنوف:بقول لأمي وارد لك اوكي...!!برب
ريما:هههههههه تيت..سكرت الخط

نوف:حرام عليك ليش قلتي لها ان السواق راح يودي ندى؟
ريما:لأني لو قلت لها تركي اكيد ماراح توافق تجي!!واحنا الصراحة مانستغني عن صرقعتها وهبالها
نوف:هههههههههه بس ترى بتزعل عليك!!من اللحين اقولك
ريما:لا تخافين اراضيها بطريقتي الخاصة!

رن جوال ريما..كانت الهنوف
ريما:هلا..هاه بشري وش قالت عمتي؟
الهنوف:يووة بطلعة الروح وافقت وبعد ماترجيتها وحالتي حالة الي يشوفني كني شحاذة عند باب مسجد برمضان,,وصدرت الموافقة السامية!!
ريما:هههههههههههههههههههههههههههههههه وش ذا التشبية الله يقطع بليسك!!
الهنوف:اوكي مادام السواق راح يودي ندوش خليها تمرني انا بتجهز يالله سلام ..سكرت الخط

ريما:ههههههههههه سكرت السماعة بوجهي!!خبلا
نوف:ههههههه مجنونة هالبنت..
ريما:ابي اتصل عل ندى تمرها!!
ريما:الو ندوش..بالله مري هنوف على طريقك انتي وتركي..على فكرة ترى ماتدري ان تركي الي راح يمرها انا قلت انه السواق..
ندى:والله انك روعة
ريما:توك تدرين..انا من زمان وانا اعرف اني روعة!!
ندى:يوة فكينا من غرورك اللحين..وين بيتهم؟
ريما:ايه صح..<وصفت لها البيت(ماراح اقولكم وينه!!اخاف تزعجونها هههههههههه)
ندى:اوكي سهل التوصيف يالله سلام
ريما:سلام!!

ندى:تركي حبي
تركي:هاه وش تبين؟وش عندك؟
ندى:وش عرفك اني ابي منك طلب؟
تركي:كلمة حبي هذي ماتقولين هالكلام الزين الا اذا عندك شي!!هاه وش تبين
ندى:تكفى وتكفى تهز الرجاجيل ..
تركي:خلصي وش تبين
ندى:ريما..تطلب منك طلب
تركي:وش عندكم انتي وياها..انتي تلفين وتدورين على ايش !!
ندى:ماشاء الله.فعلاًاللبيب بالاشارة يفهم..بما انك بتوديني عندها ..تقول ياليت لو تمر بنت عمتها علشان اخوها مو فيه..واحنا كلنا بنتجمع عند ريما.فصعبه نتجمع وهي مو معانا..وانت قلبك طيب وكبير وماترضاها على اختك بعد ماقالت لهم تم خلاص راح امرها..اتفشل
تركي:هنوف؟
ندى ابتسمت ابتسامة مكر!:ياسلام عليك..وش عرفك فيها؟
تركي:لاحول ولاقوة الا بالله..قد مرة سمعتكم تسولفون فيها!! ترى اذا زدتي بالكلام الفاضي ماراح اوديك لاانتي ولاهي فاهمة!!
ندى:خلاص بسكت والله..
تركي:يالله قومي جيبي عباتك بسرعة تأخرت على العيال بالملعب
ندى:من عيوني روح اركب واللحين راح اجيك

ركبت ندى ووصفت لتركي بيت هنوف..اتصلت على هنوف وقالت لها تطلع..طلعت وسكرت الباب حق بيتهم وركبت
هنوف:السلام عليكم<مسكينة ماشافت تركي
تركي وندى:وعليكم السلام
هنوف شافت تركي قرصت يد ندى ندى:آآآآآآآآآآآآآآآآآآآي
تركي:وش فيك؟
ندى:لا بس سلامتك..شخبارك هنوف
هنوف بصوت قصير مو مسموع: بخير
ندى:وش تقولين.؟والله مدري وش تقولين؟طولي صوتك
هنوف العبرة خنقتها..متفشلة حيل..وتتوعد بريماوندى والله لاوريكم شغلكم!!
ندى:هنوف ..وش فيك ساكتة!! سلامات مو من عوايدك..اخبرك مصرقعة وش ذا الهدوء؟
تركي: ندى وبعدين معاك !!
هنوف (مشكور ياتركي انك سكت ذي النشبة)
جلس يطالع لهنوف بالمرآيه عيونها خطيرة كبار واسعات ومكحلتها صايرة روعة!!
الهنوف ماتدري ان تركي يطالعها كانت ميتة من الفشيلة ومندقة راسها!!
وصلوا لبيـــــــــــت ريما
هنوف:مشكور
تركي:العفو
ندى:يالله هنوف خلينا نروح ونخوف البنات
هنوف سكرت الباب..وتحسب تركي مايسمعها.
هنوف:ياربي منك انتي وريما ليش تقولون لي ان السواق راح يوديكِ...تدرين تمنيت يكون معاي خنجر واذبحكم...والله تنرفزت..شغلكم داخل عندي وانا ام هندي!!
ندى:ههههههههههههههههههههههههه
تركي سمع كلامها وجلس يضحك على خفة دمها..!!

دخلوا البيت وراحوا الصالة عند ريما ونوف سلموا عليهم وبعدين جلسوا
هنوف:طيب انتي وياها يالسخيفات سواق الي راح يوديها<تطنز على صوت ريما
ريما:ههههههههههههههههه
نوف:قلت لك انها بتزعل
ندى:فاتكم تركي يدافع عنها بالسيارة
نوف:ياعيني والله خطيـــــــــــرة هنوووووفة
ريما:ياهوة تركي ماعمرة دافع عني ولا عن ندوش وش معنى هنوف!!هاه؟
هنوف:طيب انتي وياها بطلوا كلامكم البايخ الي ماله طعم ولا ترى والله برجع لبيتنا!!
ندى:مين بيوديك..تركي؟
نوف:ههههههههههههههههههه
هنوف:سخيفا1111111111111ت..زعلت وقامت من مكانها
ريما:عاد حدكم كل شي ولاهنوفة
هنوف جلست على الكنبات وهي واصلة حدها معصبة وحاطة رجل على رجل وكانت تهزهم من العصبية
ندى جت لهنوف:هنوووفه يالغالية خلاص لاتزعلين كنت امزح والله
نوف:لا هنوف ماتزعل انا اعرفها111111
ندى:شوفيها كيف منتفخة كنها بالون من الزعل..عندك دبوس علشان نفشها ونسمها ههههههههههه
هنوف:ههههههههههههههه حلوة بالون ذي
ريما:لولولولييييييييييش واخيراً ضحكت هنوفة
نوف:قلت لكم هنوف ماتعرف تزعل
ندى: ياعيني عليك انتي رفيقة دربي الغالية
ريما:الله والدرب درب المقالب والضحك والهبال
هنوف:واحلى درب هههههههههههههههه
ندى:ههههههههههههههه